Aşgabat “Ylym” neşirýaty

Çagalar bagynyň müdiri. Müdir mekdebe çenli çagalar edarasy-
na hemmetaraplaýyn doly ýolbaşçylyk edýän we jogap berýän 
işgärdir. Müdir ýörite ýokary bilimli, pedagogik tejribesi 3 ýyldan 
az bolmadyk, köpçülikde uly hormatdan peýdalanýan, pedagogik we 
syýasy taýdan ýokary düşünjeli guramaçy, çagalary söýýän adam bol-
malydyr. Çagalar bagynyň müdiri “Türkmenistanda mekdebe çenli 
ýaşly çagalara bilim we terbiýe bermegiň Milli maksatnamasyny“ 
gowy bilýän, terbiýeçileriň sapaklaryna gatnaşyp, usuly taýdan kömek 
berýän ýolbaşçy bolmaly. 

---

95
Mekdebe çenli çagalar edarasynyň işiniň dolandyrylyşy
Müdir terbiýeçiler, hojalyk işgärleri, ata-eneler bilen medeniýetli 
gepleşip bilmegi başarmaly. Ol özüniň pedagogik we hojalyk işlerini 
düzülen ýyllyk meýilnamasy boýunça alyp barmaly. Her bir çagalar 
bagynda ähli pedagogik işgärler bilen aýda bir gezek pedagogik 
maslahat geçirilýär. Onda pedagogika, psihologiýa, aýry-aýry usul-
lara degişli usuly çykyşlar diňlenilip bilner. Terbiýeçiler özbaşdak 
işleýän temalary boýunça doklad edýärler. Pedagogik maslahatyň 
beýany tertipli, yzygider, ýörite kitapça ýazylýar. Pedagogik masla-
hatyň beýanyny ýazmak üçin bir ýyllyk kätip bellenilýär.
Uly terbiýeçi. Çagalar bagyndaky ähli pedagogik işleriň 
dogry alnyp barlyşyna jogapkärdir. Hemme terbiýeçilere usuly taý-
dan kömek berýär. Terbiýeçilere öz işlerini maksatnama boýunça 
meýilnamalaşdyrmagy, usuly taýdan sapak geçmegi öwredýär we 
maslahat berýär. Maksatnamada göz öňünde tutulan maglumatlary her 
bir çaganyň berk özleşdirmegini, mekdep okuwyna gowy, birkemsiz 
taýýarlanmagyny gazanýar. Ata-eneleriň arasynda degişli iş geçirýär.
Çagalar bagynyň terbiýeçisi. Çaga terbiýelemek örän jogap-
kärli işdir. Çaga terbiýeleýän terbi ýeçi geljekdäki şahsyýeti kemala 
getirip başlaýar. Her bir ata-ene öz ýüreginden önen perzendini edep-
li, tertipli, watansöýüji edip ýetişdirmek üçin çagalar bagyna berýär. 
Maksadalaýyk öwretmeklik terbiýeçiniň öz jogapkärli işini söýşüne, 
hünär-bilim taýýarlygyna, häzirki döwürde ýaşlarymyzyň öňünde 
duran jogapkärli wezipä düşüni şine baglydyr. Her bir çaga terbiýeçä 
görelde alarlyk nusga hökmünde garaýar. Çaga köp zatlarda ter-
biýeçä öýkünýär. Şonuň üçin terbiýeçi işde, köpçülik ýerlerinde örän 
salyhatly, dogruçyl, tutanýerli, syýasata düşünýän, köp okaýan, tä-
zelikleri gözleýän bolmalydyr. Täze Galkynyş we beýik özgertmeler 
eýýamynda şäherler bilen bir hatarda obalarymyz hem gün-günden 
owadanlaşýar, täze-täze binalar salynýar. Döwrebap mekdepler, ça-
galar baglary, kitaphanalar, saglyk öýleri, dükanlar we başga-da bir- 
näçe ojaklar bina edilýär. 
Her obada göreldeli çagalar baglarynyň zerurlygyny durmuş ta-
lap edýär. Geçmişdäki tanymal pedagoglaryň ýazyp galdyrmaklaryna 
görä, adamy terbiýelemegiň iň zerur, peýdaly döwri onuň mekdebe 
çenli alýan terbiýesidir. Adam bütin ömründe alýan terbiýesiniň 90 

---

96
iV bap
gö terimini 7 ýaşyna çenli alýar. Munuň üçin Türkmenistan ýur du-
myzda hemme mümkinçilikler bar. Sebäbi “Döwlet adam üçindir“. 
Çagalar bagyna gatnap, mekdep okuwyna gowy taýýarlykly ge-
len çagalaryň mekdepde gowy okajakdyklary hemmelere mälimdir.