Аудиторское заключение

Ichki auditor – iqtisodiy sub’ekt tomonidan tashkil etilgan ichki bo’limining xodimi.

Dastlabki audit – ilk bor audit o’tkazilayotgan iqtisodiy sub’ektning yoki oldingi auditorga nazorat boshqa auditorlik tashkiloti tomonidan o’tkazilgan iqtisodiy sub’ektning buxgalteriya hisob-kitob auditi.

Auditor insofliligi – audit tamoyillaridan biri bo’lib, auditor professional xizmatlarini lozim darajada e’tiborlik bilan, operativ (tezkorlik) bilan va o’z qobiliyatlarini imkon qadar qo’llash majburiyatlarini o’z ichiga oladi. Insoflilik tamoyili deganda auditorning o’z ishiga vijdonan va ma’suliyatli munosabatda bo’lish tushuniladi, lekin bu auditorlik faoliyatini bexatolik deb tushunmasligi lozim.

Auditorlik isbotlash – tekshirish paytida xo’jalik yurituvchi sub’ektdan yoki uchinchi shaxslardan olingan ma’lumot yoki uning taxlili natijasi bo’lib, buxgalteriya hisobotning haqiqiyligi haqida auditorning xulosa qilishga va o’z fikrini aytishga ko’maklashadi. Auditorlik isbotlash hujjatlardan olingan ma’lumotlarni buxgalteriya hisoboti hujjatlarini, ekspert xulosalarini va boshqa manbalardan olingan ma’lumotlarni o’z ichiga oladi.

Audit qilingan buxgalteriya hisobotini aks ettiruvchi hujjat – qonunda yoki qonun normativ hujjatlarda nazarda tutilgan yoxud foydalanuvchilarga taqdim etish maqsadida xo’jalik yurituvchi sub’ekt tashabbusi bilan tayyorlangan har qanday hujjat (elektron shakldagi hujjatlardan tashqari) bo’lib, uning tarkibiga xo’jalik yurituvchi sub’ektning audit tekshiruvidan o’tkazilgan buxgalteriya hisoboti ham kiradi.

Buxgalteriya hisobi hujjatlari - xo’jalik yurituvchi sub’ekt tomonidan buxgalteriya hisobini o’tkazish jarayonida ma’lum talablariga rioya qilingan holda tuziladigan ma’lumotlarning moddiy ko’rinishidagi yig’indisi bo’lib, o’z tarkibiga quyidagilarni oladi:

a) dastlabki hisob hujjatlari;
b) erkin hisob hujjatlari;
v) buxgalteriya hisobi registri (ro’yxati);
g) ichki buxgalteriya oboti ma’lumotlari.

57.