Avtomatlashtirish va boshqaruv” kafedrasi «O‘lchash vositalarini texnik jihatdan tartibga solish»

Mundarija

1. 
   
   Amaliy mashg’ulotlar
   

1.1 “Metrologiya to’g’risida”gi, “Standartlashtirish to’g’risida”gi, “Mahsulot va xizmatlarni sertifikatlashtirish to’g’risida”gi O’z Respublikasi Qonuni bo’yicha tushunchalar berish.
1.2 O‘lchash vositalarini texnik jihatdan tartibga solish bo’yicha xalqaro tashkilotlar.
1.3 Standart, ularning turlari, ishlab chiqish tartiblari, tasdiqlanishi,
standartlarni ro’yhatdan o’tish tartibi.
1.4 Mahsulot haqidagi ma’lumotlarni standartlashtirish va kodlash.
1.5 Texnik reglamentlarni ishlab chiqarishning asosiy vazifalari. Texnik
reglamentlarning turlari va ularni ishlab chiqish.
1.6 Sertifikatlashtirish sxemalarini o’rganish. Xalqaro ISO 9000 seriyasidagi standartlar.
1.7 Texnik reglament bilan ishlash.


Amaliy mashg’ulot - №1

Mavzu: “Metrologiya to’g’risida”gi, “Standartlashtirish to’g’risida”gi, “Mahsulot va xizmatlarni sertifikatlashtirish to’g’risida”gi O’zbekiston Respublikasi qonuni bo’yicha tushunchalar berish.

Ishdan maqsad: Talabalarga o‘lchash vositalarini texnik jihatdan tartibga solish fanidan boshlang’ich tushunchalar va qonunlar haqida ma’lumotlar berish.

Asosiy qism
O‘ZBEKISTON RESPUBLIKASINING QONUNI
“METROLOGIYA TO‘G‘RISIDA”GI O‘ZBEKISTON RESPUBLIKASI QONUNIGA O‘ZGARTISH VA QO‘SHIMCHALAR KIRITISH XAQIDA
Qonunchilik palatasi tomonidan 2019-yil 12-noyabrda qabul qilingan
Senat tomonidan 2020-yil 28-fevralda ma’qullangan
1-modda. O‘zbekiston Respublikasining 1993-yil 28-dekabrda qabul qilingan “Metrologiya to‘g‘risida”gi 1004-XII-sonli Qonuniga (O‘zbekiston Respublikasi Oliy Kengashining Axborotnomasi, 1994-yil, № 2, 48-modda; O‘zbekiston Respublikasi Oliy Majlisining Axborotnomasi, 2000-yil, № 5-6, 153-modda; 2003-yil, № 5, 67-modda; O‘zbekiston Respublikasi Oliy Majlisi palatalarining Axborotnomasi, 2013-yil, № 4, 98-modda; 2014-yil, № 12, 343-modda) o‘zgartish va qo‘shimchalar kiritilib, uning yangi tahriri tasdiqlansin (ilova qilinadi).
2-modda. O‘zbekiston standartlashtirish, metrologiya va sertifikatlashtirish agentligi, O‘zbekiston Respublikasi Adliya vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi o‘rtasida tushuntirilishini ta’minlasin.
3-modda. O‘zbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid bo‘lgan o‘z normativ-huquqiy hujjatlarini qayta ko‘rib chiqishlari va bekor qilishlarini ta’minlasin.