Nazorat savollari:
1. Eskirish nima?
2. Detallarning qaysi parametrlari yeyilish natijasida o‘zgaradi?
3. Korroziyani tezlashtiradigan qanday agressiv elementlarni bilasiz?
4. Ishqalanish nima?
5. Transport vositasi detallarining yeyilishi masofa bo‘yicha qanday o‘zgaradi?
Mavzu-4. Ishonchilik xususiyatlari va ularning ko’rsatkichlari -2soat
Reja:
4.1 Ishonchlilikning asosiy atama va tariflari.
4.2 Ishonchlilikning xususiyatlari.
4.3 Buzilmaslik va uning ko‘rsatkichlari.
4.4 Chidamlilik va uning ko‘rsatkichlari.
4.5 Ta’mirlashga moyillik va uning ko‘rsatkichlari.
4.6 Saqlanuvchanlik va uning ko‘rsatkichlari.
Tayanch iboralar: buyum, buyumning shikastlanishi, buzilmaslik, buzilmasdan
ishlash ehtimolligi, buzilish ehtimolligi (funksiyasi), buzilishgacha yurilgan yo‘l,
buzilishlar jadalligi, buzilishlar oqimining parametri, buzilishlar oqimi parametrining
yetakchi funksiyasi, ishonchlilik, ma’naviy eskirish, resurs, saqlanuvchanlik, sifat,
tiklash, ta’mirlanadigan Ob’ekt, ta’mirlanmaydigan Ob’ekt, ta’mirlashga moyillik,
tiklanadigan Ob’ekt, fizik eskirish, xizmat ko‘rsatiladigan Ob’ekt, xizmat muddati,
chidamlilik, ekspluatatsiya.
4.1 Ishonchililikning asosiy atama va tariflari
Buyum deganda element, tizim yoki ularning qismlari tushuniladi. Barcha turdagi
avtomobillar va ularning agregat, uzel, detallari ham buyumdir.
Buyumning ekspluatatsiyasi deganda esa, uning ishi davomidagi hamma fazalari
majmuyi, shu jumladan uni eltish (tashish) va saqlash muddati, vazifasi bo‘yicha
ishga tayyorlash, texnik xizmat ko‘rsatish va ta’mirlash va h.k.lar tushuniladi.
Tiklash
-
ishlash qobiliyatini yo‘qotgan Ob’ektni ishlash qobiliyatiga o‘tkazish
jarayoni.
Xizmat ko‘rsatiladigan Ob’ekt – me’yoriy-texnik hujjatlarda texnik xizmat
ko‘rsatish belgilangan Ob’ekt.
Do'stlaringiz bilan baham: |
