Axborot texnologiyalari deganda nimani tushunasiz? Texnologiya

Texnologiyalarning asosiy komponentlarini qiyoslash
3.4-jadval

Mahsulotlarni ishlab chiqarish uchun texnologiyalar komponentlari
Moddiy	Axborot
Xomashyo va materiallarni tayyorlash	Ma'lumotlar yoki boshlang’ich axborotni yig’ish
Moddiy mahsulotni ishlab chiqarish	Ma'lumotlarni qayta ishlash va samarali axborot olish
Ishlab chiqarilgan mahsulotlarni iste'molchilarga sotish	Axborotni uning asosida qarorlar qabul qilish uchun foydalanuvchiga uzatish

Yangi axborot texnologiyasi

Axborot texnologiyalari jamiyat axborot zaxiralaridan foydalanishning eng muhim jarayonlaridan biridir. Hozirgi paytga kelib u bir necha evolutsion bosqichlarni bosib o`tdi, ulardan har birining almashinuvi asosan fan va texnika taraqqiyotining rivojlanishi, axborotni qayta ishlashning yangi texnik vositalari paydo bo`lishi bilan belgilanadi. Hozirgi jamiyatda axborotni qayta ishlash texnologiyalarining asosiy texnik vositasi boiib shaxsiy kompyuter xizmat qilmoqda, u texnologik jarayonlar konsepsiyasini ko`rish va undan foydalanishga ham, axborot tizimiga ham muhim ta'sir ko`rsatadi. Shaxsiy kompyuterning axborot sohasiga tatbiq etilishi va aloqaning telekomunikatsiya vositalarida qo`llanilishi axborot texnologiyalari rivojlanishida yangi bosqichni belgilab berdi.

Zamonaviy axborot texnologiyalari tushunchasiga, kommunikatsiya texnologiyalari ham kiradi, ular axborotni turli vositalar, aynan telefon, telegraf, telekommunikatsiyalar, faks va boshqalar orqali uzatishni ta'minlaydi. 3.5-jadvalda zamonaviy axborot texnologiyalarining asosiy xususiyatlari keltirilgan.