Axborotlashgan jamiyat va uning istiqbollari

AXBOROTLASHGAN JAMIYAT VA UNING ISTIQBOLLARI
Kirish
Asosiy qism

1. 
   Axborotlashtirish jarayonlari
   

2. Jamiyatning rivojlanishida axborotlashtirishning roli

3. 
   Axborotlashtirishning jahon tajribalari
   

Xulosa
Foydalanilgan adabiyotlar


Kirish
Axborotlashtirish jarayonlari jamiyatni industirialdan axborotlashganga o`tishini ta`minlab beradi. Axborot bozori iste`molchilarga barcha kerak bo`lgan axborot mahsulot va xizmatlarini taqdim etib, ularni ishlab chiqishni esa informatika industriyasi ta`minlaydi. Lekin, hozirgi kungacha axborotlashgan jamiyat tushunchasining to`liq ta`rifi mavjud emas.
Jamiyat taraqqiyotining tarixida bir necha axborot inqilobi bo`lib o`tdi.
Birinchi inqilob yozuvning kashf etilishi bilan bog`liq bo`lib, miqdor va sifat jihatdan ilgarilab ketishga olib keldi. Avloddan avlodga bilimlarni uzatish imkoniyati paydo bo`ldi.
Ikkinchi inqilob (XVI asrning o`rtalari) kitobni chop etish bilan bog`liq bo`lib, u tubdan industrial jamiyatni, madaniyat va faoliyatni tashkil etishni o`zgartirib yubordi.
Uchinchi inqilob (XIX asrning oxirlari) elektr tokining kashf etilishi bilan bog`liq bo`lib, telegraf, telefon va radioning vujudga kelishiga olib kelib, turli hajmdagi axborotlarni tezkor yig`ish va uzatish imkonini yaratdi.
To’rtinchi inqilob (XX asrning 70 yillari) mikroprotsessor texnologiyalari va shaxsiy komp`yuterlarning yaratilishi bilan bog`liqdir. Mikroprotsessor va integral chizmalar asosida komp`yuterlar, komp`yuter tarmoqlari va ma`lumotlarni uzatish tizimlari yaratilgan.
Oxirgi axborot inqilobi texnik vositalarni ishlab chiqish, yangi bilimlarni yaratishning texnologiya va usullari bilan bog`liq bo`lgan axborot industriyasini oldingi qatorga surmoqda.
Yaponiyalik olimlarning fikricha, axborotlashgan jamiyatda kompyuterlashtirish jarayonlari insonlarga axborotlarning ishonchli manbalariga kirish imkoniyatini yaratib, ularni mehnattalab ishdan ozod qiladi va ishlab chiqarish va ijtimoiy sohalarda axborotlarni avtomatlashtirilgan usulda qayta ishlashning yuqori darajada tashkil qiladi. Jamiyatning taraqqiy etib borishining asosiy kuchi bo`lib, material ko`rinishdagi mahsulotni emas balki axborot mahsulotlarini yaratish hisoblanadi.
Axborotlashgan jamiyatda nafaqat ishlab chiqarish, balki butun turmush tarzi va qadriyatlar tizimi ham o`zgaradi. Tovarlar ishlab chiqarish va iste`mol qilishga yo`naltirilgan industrial jamiyatga nisbatan axborotlashgan jamiyatda esa intellekt, bilimlarni ishlab chiqish va iste`mol qilishga yo`naltirilgan bo`lib, aqliy mehnat ulushining oshib borishiga olib keladi. Bunday jamiyatda bilimga bo`lgan talab kundan-kunga ortib boradi.