Balalardıń tilin ósiriw

Tákirarlaw ushın sorawlar
1. Balalardı monolog sóylewge úyretiw boyınsha is mazmunı hám wazıypaları nelerden ibarat?
2. Ádebiy shıǵarmalardı qayta gúrriń kılıwǵa úyretiwde qanday usıllardan paydalanıladı?
3. Súwretke qarap gúrriń dúziwge úyretiw qanday shınıǵıw túrlerinde paydalanıladı?
4. Balalardıń sóylew tilin ósiriwde oyınshıqlarǵa qarap gúrriń dúziwge úyretiwdiń áhmiyeti nelerden ibarat?
5. Balalardı dóretiwshi gúrriń dúziwge qalay úyretiwge boladı?


23-tema. Oyınshıq hám predmetke qarap gúrriń etiwge úyretiw
Reje:
1. Oyınshıqlarǵa qarap gúrriń dúziwdiń mánisi
2. Túrli jas toparlarda oyınshıqlarǵa qarap gúrriń dúziwge úyretiw


1. Gúrriń úlgisin beriw usılı.
Balalardıń eń súyikli hám qızıqlı shınıǵıwlarınan biri bul oyınshıqlardı kórip shıǵıw hám súwretlew bolıp tabıladı. Oyınshıqlarǵa qarap gúrriń dúziwdiń mánisi júdá keń. Ol balalarda ádep-ikramlılıq sıpatların tárbiyalaydı, birgelikte gúrriń etiw uqıplılıqların rawajlandıradı, yad, dıqqat hám erkti shınıqtıradı. Turmısta payda bolǵan tájiriybelerdi, erkti bekkemleydi; kem sóyleytuǵın balalardıń sóylew baylanısına kirisip ketiwine tásir etedi, olardıń turmısların mazmunlı hám kewilli etedi; sózligin aktivlestiredi, baylanısqan sóylewdiń rawajlanıwına járdem beredi. Oyınshıqlar boyınsha shınıǵıwlardı shólkemlestiriwde oyınshıqlardı tańlawǵa úlken itibar beriw kerek. Kishi topar balalarına súwretlew ushın usınıs etilgen oyınshıqlar óziniń gey bir ózgesheliklerine iye: oyınshıqlar atı boyınsha bir qıylı bolıwı múmkin, biraq sırtqı kórinisi tárepinen bir-birinen parıqlanadı (úlken hám kishkene ayıwlar, shashı mayda órilgen, taqıya kiygen hám shashına lenta taǵılǵan quwırshaq; qızıl hám jasıl piramidalar, kubikler hám t.b.). Oyınshıqlardı bul tártipte tańlaw balanıń sózligin aktivlestiriwge hám salıstırıw usılınan paydalanıw tiykarında baylanıslı sóylewdi rawajlandırıwǵa járdem beredi.
Úlken toparlarda sháma menen tómendegi oyınshıqlardı tańlaw múmkin. (tárbiyashı aldıńnan oyınshıqlar toplamı dizimin dúzip qoyadı):
Sentyabr`. Qaǵazdan jasalǵan toq sarı, ashıq końır reń bayraqsha; shúberekten jasalǵan jasıl reńdegi bayraqsha; aǵashtan islengen zamarrıq; plastmassadan hám meTáldan islengen shelekler; hár qıylı úlkenliktegi quwırshaqlar toplamı; qayıqshalar (oyınshıqlar neden islengenligin, atın, reńin bildiriwshi sózlerdi bekkemlew ushın).
Noyabr`. Saatlar, pochta qutısı, telefon, paraxod, avtomobiller, samolyotlar (forma hám keńislikti bildiriwshi, aldıńda, joqarıda, artta sıyaqlı sózlerdi bekkemlew hám túsindiriwshi gúrrińler dúziw ushın).
Yanvar`. Jup oyınshıqlar toplamı: pás hám bálent eki piramida; eki túrdegi avtomobil`; pıshıq hám kúshik; hár qıylı reńdegi eki at, eki hár kıylı quwırshaq (ońda, shepte, qapTálda izbe-iz sózlerin bekkemlew hám salıstırıwshı gúrriń dúziw ushın).