Bap new indd

KINEMATIKA BÓLIMI BOYÍNSHA 
TEST SORAWLARÍ
1. Qozǵalıp baratırǵan poyezddıń vagonında otırǵan adam nelerge 
salıstırǵanda tınısh jaǵdayda?
A) vagonǵa salıstırǵanda; 
C) vagonǵa hám jerge salıstırǵanda;
B) jerge salıstırǵanda;
D) reliske salıstırǵanda.
2. Teń ólshewli tezleniwshi qozǵalatuǵın “Neksiya” avtomobiliniń 25 s 
dawamında tezligin 36 km/saat tan 72 km/saatqa asırdı. “Neksiya” avtomo-
biliniń tezleniwin tabıń (m/s
2
):
A) 10;
B) 0,4;
C) 25;
D) 36.
3. 0,4 m/s
2
tezleniw menen teń ólshewli tezleniwshi qozǵalatuǵın deneniń 
belgili waqıttaǵı tezligi 9 m/s qa teń. Deneniń usı waqıttan 10 s aldınǵı 
payıttaǵı tezligi qansha bolǵan (m/s)?
A) 0,4;
B) 5;
C) 4;
D) 10.
4. Jerdi Quyash átirapında aylanatuǵın materiallıq noqat dep esaplawǵa 
bola ma?
A) materiallıq noqat boladı;
B) materiallıq noqat bolmaydı;
C) materiallıq noqat bolıwı da, bolmawı da múmkin;
D) Jer Quyash átirapında aylanbaǵanda materiallıq noqat boladı.
5. Velosipedshi teń ólshewli qozǵalıp, 20 minutta 6 km joldı basıp ótti. 
Velosipedshiniń tezligin tabıń (m/s):
A) 5;
B) 20;
C) 6;
D) 30.
6. Velosipedshi 10 minut dawamında 2700 m, keyin qıya tegislikte 1 
minutta 900 m hám jáne 1200 m joldı 4 minutta basıp ótti. Velosipedshiniń 
ortasha tezligin tabıń (m/min):
A) 1600;
B) 320; 
C) 98;
D) 490. 
7. Avtomobil teń ólshewli tezleniw menen qozǵalıp joqarıǵa kóterilmekte. 
Onıń ortasha tezligi 36 km/saat hám aqırǵı tezligi 2 m/s bolsa, baslanǵısh 
tezligi qanday m/s larda bolǵan?
A) 18;
B) 20;
C) 15;
D) 10.

---

68
DINAMIKANÍŃ TIYKARLARÍ
Biz kinematika bóliminde deneniń qozǵalısın ápiwayılastırıp úyreniw 
u shın denege tásir etetuǵın kúshlerdi itibarǵa almaǵan edik. Tuwrı sızıqlı 
teń ólshewli hám teń ólshewli emes qozǵalıslar haqqında da maǵlıwmatlarǵa 
iye boldıq. Deneniń ilgerilemeli hám aylanbalı qozǵalısların hár túrli kóriniste 
táriyiplewdi de úyrenip aldıq.
Endi biz ne sebepten deneler ózgeriwshi qozǵaladı, olardıń tezleniwine 
alıp keletuǵın faktorlar neden ibarat, degen sorawlarǵa juwap izleymiz. So-
lay etip, bizdi deneler qozǵalısındaǵı júzege keletuǵın ózgerislerdiń deneler 
massası hám olar arasındaǵı óz ara tásir etiwshi kúshlerge baylanıslılıǵı 
qızıqtırıwı tábiyiy.