Baslawĺsh klass ana tili sabaqlarĺnda scaffolding metodĺn qollaw arqalĺ bir saatlĺq is rejesin dúziw bazarbayeva Ulbolsın Bazarbay kizi

BASLAWĺSH KLASS ANA TILI SABAQLARĺNDA SCAFFOLDING METODĺN QOLLAW ARQALĺ BIR SAATLĺQ IS REJESIN DÚZIW
Bazarbayeva Ulbolsın Bazarbay kizi - Nókis MPI 70110501 - Tálim hám tárbiya teoriyası há metodikası (baslawısh tálim) 2 - basqısh magistrantı
Annotaciya: Baslawısh klaslarda scaffolding metodın qollaw arqalı oqıwshılardıń erkin pikirlew, óz ústinde jumıs isley alıw imkaniyatları hám scaffolding metodınıń áhmiyeti sóz etilgen.
Gilt sózler: Baslawısh klass, scaffolding, metod, ana tili, metodika.
Jańa Ózbekistanda tálim tarawın túpten ózgertiw ushın hár túrli is - ilájlar, reformalar alıp barılmaqta. Ásirese, jaslarǵa jaratılıp atırǵan keń imkaniyatlar bulardıń ayqın dáleli bolıp tabıladı. Sonday - aq, mekteplerdegi tálim sistemasın jańalaw, jańa metodlardı sabaq procesinde qollanıp, biz kútken nátiyjelerge erisiw, balalardıń sapalı bilim alıwın támiyinlewge qaratılǵan.
Prezidentimizdiń 2020 jıl 30 oktyabrdaǵı Mámleketimizde tálim-tárbiya sistemasın qáliplestiriw, ilim-pán tarawı rawajın tezletiw máseleleri talqılaw boyınsha bolıp ótken videoselektor jiynalısında „Mektepte oqıtıw metodikası ózgermese, tálim sıpatı da, mazmunı da ózgermeydi [1], - dep óz bayanatında keltirgen.
Videoselektor jiynalısında tálim tarawındaǵı mashqalalar, olardı sheshiw, tálim sıpatın asırıwǵa baylanıslı wazıypalar talqılandı.
Interaktiv metodlar zamanagóy sabaq beriwde, oqıwshılar menen qızıqlı sabaqtı shólkemlestiriwdiń tiykarі bolıp, oqıtıwshı menen oqıwshınıń birgelikte maqsetke erisiwi bolıp tabıladı. Interaktiv metodlardan biri scaffolding metodı bolıp, tálim procesinde oqıtıwshı menen oqıwshınıń sheriklikke tiykarlanǵan waqtınshalıq oqıtıwshınıń járdemi bolıp esaplanadı.
Scafffolding anglichan tilinen awdarǵanda, arxitektura hám qurılıs tarawında “konstrukciya qılıw” degen mánisti ańlatadı. “Scaffolding” metodınıń visual kórinisi ápiwayıdan quramalıǵa ótiw bolıp tabıladı. Solay etip, bul usıldıń qarama-qarsısı, oqıtıwshı kelesi piyshenbige shekem jeti betli tekstti oqıp shıǵıp, awdarmalap hám esse jazıwdı soraydı. Bul álbette oqıwshıǵa qıyınlıq tuwdıradı. Scaffolding metodınıń áhmiyeti de sonnan ibarat [2].
Ana tili sabaǵınan 1-saatlıq sabaq islenbesi
Sáne: 08.09.2022
Oqıtıwshı: U.B Bazarbayeva
Pán: Ana tili
Klass: 2
Tema: Ses va hárip
Sabaqtıń maqseti:
Bilim beriwshilik: Oqıwshılarǵa sesler, olardıń sóz mánislerin parıqlawı, tuwrı aytılıwı, belgileri, dawıslardıń háripler menen jazılıwı, háriplerdiń belgileri, grafik tárepten tuwrı qáliplestiriw haqqındaǵı bilimler beriw.
Tarbiyalıq: Oqıwshılardı patriotlıq ruwxında tarbiyalaw
Rawallandırıwshılıq: Oqıwshılardaǵı fonetikalıq aqıldı rivojlantirish.
Sabaq túri: Jańa bilim beriw
Sabaqtıń qurallanıwı: “Ana tili” sabaqlıq, karton, suwretler, kartochkalar, flakatlar
Sabaqta qollanılatuǵın metodlar: Scaffolding metodi, soraw-juwap, sáwbetlesiw, aqılıy hújim, Didaktikalıq oyın “Sóz tap”.
Sabaqtıń barısı:

1. 
   Shólkemlestiriwshilik: Sálem oqıwshılar! Sizlerge házir jumbaq beremen.
   

Paydalı arzan otın, Burqıraǵan tútini joq,
Jaqsańda qanshama kún, Sońında qalmaydı shoq.
(ǵaz)

2. 
   Úy tapsırmasın soraw: Ótilgen temalar boyınsha soraw juwap ótkeriw.
   

3. Jańa temanı túsindiriw. Oqıwshı: Búgin biz siz benen sesler va háripler temasın úyrenemiz.
1. Qaraqalpaq álippesinde neshe hárip bar?
2. Neshe ses bar?
3. Siz qaysi seslerdi esittińiz?
4. Ana, ata, apa, bala degen sózlerde neshe hárip bar?

17 - shınıǵıw. Berilgen sózlerden gáp qurap jazıń.
Gúz, miywe, kón, Salı.
Úlgi: Gúz keldi [3].
Bul jerde oqıwshılarǵa úlgi berilgen, oqıtıwshı shınıǵıwdı túsindiredi va taxtaǵa jazıp kórsetedi.
4. Dem alıw minutı.
Ormandaǵı ayıwdıń,
Qulpınayı kóp eken.
Terip-terip alamız,
Qaltamızǵa salamız.
5. Taza temanı bekkemlew. “Sóz tap” oyını
A háribinen keletuǵın sózlerdi aytıń.
Mısalı, alma, ayıw, ata va t.b
B háribinen keletuǵın sózlerdi aytıń.
6.Bahalaw: Sabaqqa belsene qatnasqan oqıwshılarǵa kartochkalar beriw.
7. Úy tapsırmasın beriw. 20-shınıǵıw
Baslawısh klass ana tili sabaqlarında scaffoldimg metodın qollaw arqalı olardıń óz ústinde jumıs isley alıw, óz betinshe pikirlew hám erkin qararlar qabıl qılıw qábiletin asıramız. Oqıtıwshınıń járdemi 1 - 2 klasta kóbirek boladı hám oqıwshılar klastan-klasqa ótken sayın shınıǵıwlardı ózi erkin isley aladı. Sonday qılıp, scaffolding metodın baslawіsh klaslarda qollaw áhmiyetli hám zárúrli bolıp, oqıwshılardıń óz betinshe sapalı bilim alıwınıń girewi bolıp esaplanadı.
Ádebiyatlar
1. Prezidentimizning 2020 - yil 30-oktabrdagi Mamlakatimizda ta’lim-tarbiya tizimini shakllantirish, ilm-fan sohasi rivojini tezlashtirish masalalari muhokamasi bo‘yicha bo‘lib o‘tgan videoselektor yig‘ilishi https://yuz.uz/uz/news/talim-tarbiya-tizimi-taraqqiyotning-yangi-bosqichi-muhokama-qilindi
2. Скаффолдинг: что такое теория строительных лесов и как применять ее в обучении. https://skillbox.rú/media/edúcation/skaffolding-teoriya-stroitelnykh-lesov/.
3. B.Qutlimuratov, Q.Xojamuratova, G.Qutlimuratova “Ana tili” 2-klass sabaqlıq. Nókis Qaraqalpaqstan 2018.