Batafsil bayon etilgan

Savol va topshiriqlar 
1.  Ilmiy tadqiqotlarda hafta to'g'risida qanday ma'lumot berilgan? 
2.  Sutka haqida ma'lumot bering. 
3.  Soatlarning qo‘llanilishi haqida ma'lumot bering. 
 
 

---

 
17 
2-BOB. QADIMGI KALENDARLAR 
Mavzu. Kalendarlar va ularning turlari. 
Reja: 
1.  Tropik yil va kalendar yili. 
2.  Quyosh kalendari. 
3.  Oy kalendari. 
3. Oy-quyosh kalendari. 
Tropik yil va kalendar yili. Biz tanishib o'tgan vaqt birligi sutka katta davrlarni o'lchash 
uchun  kichiklik  qiladi.  Katta  davrlarni  o'lchash  uchun  sutkani  ishlatadigan  bo'lsak,  juda  katta 
sonlarni ifodalashga to'g'ri keladi. Vaqt birligi sutkani 10 baravar kattalashtirib ishlatish mumkin. 
Lekin qadim zamonlardan beri insoniyat katta vaqt oralig'ini o'lchashda sutkadan tashqari hafta, 
oy  va  yildan  foydalanib  keladi.  Vaqtning  katta  oraliqlari  o'lchash  birligi  tabiiy  birlik  -  yil  deb 
Yerning Quyosh atrofida bir marta to'la aylanib chiqish davri qabul qilingan. Ammo yil sutkalar 
bilan butun son orqali ifodalanmaydi, ya'ni sutka va yil karrali emas.  
Quyosh  o'zining  ko'rinma  harakati  bo'yicha  bahorgi  tengkunlik  nuqtasidan  ikki  marta 
ketma-ket o'tishi uchun ketgan vaqt  tropik yil deb ataladi. Uning davomiyligi 365 sutka 5 soat 
48 minut 46 sekundga yoki 365,242195 o'rtacha sutkaga teng.