«Bayanlar toplamı» mbs ha’m u’zliksiz oqıw bag’darlamasındag’ı oqıwshılardın’ baylanıslı so’ylewin o’siriwge tiyisli talaplardan kelip shıqqan halda du’zildi. Toplamdag’ı tekstler tematikalıq ta’repten ra’n’be-ra’n’

IV. «Ha’rre, kepter ha’m bala» so’zleri u’stinde islew

1.	Ha’rre qay jerde ushıp baratır edi?	ha’rre
2.	Ol birden suwg’a jıg’ılıp, qanday jag’dayg’a tu’sti?	ol
3.	Kepter ha’rreni ko’rip ne qıldı?	kepter
4.	Ha’rre qalayınsha apattan qutıldı?	ha’rre
5.	Bala duzaq qoyıp ne qıldı?	bala
6.	Ha’rre kepterdi qutqarmaqshı bolıp ne isledi?	ha’rre
7.	Kepter neden qutıldı?	kepter

Tekstti aytıp beriwde birinshi bo’limde bir ga’p beriliwine qaramastan «ol» g’a itibar beriledi. Ha’rrenin’ apatqa ushırawı usı ga’pten baslanadı.

Teksttin’ tiykarg’ı bo’limleri (2-, 6-) u’stinde jumıs alıp barıw za’ru’r. Bul bo’limlerdegi eki ga’pte ha’rre haqqında pikir ju’rgiziledi. Oqıwshılar ha’rre so’zi ornında «ol» dı qollanıp, aytıp beredi.
V. Jazıwg’a tayarlıq.
Eger tekst jazıw taxtasına yamasa kartong’a jazılg’an bolsa, oqıwshılar onı ishinde oqıydı. Sonnan son’ ayırım so’zlerdi (jag’dayg’a, miyrimi, da’rhal, sho’pti, apattan, ko’rip) buwınlap aytadı yamasa olardın’ imlasın tu’sindiredi. Oqıwshılarg’a reje tiykarında jazıw ushın oylawg’a waqıt beriledi. Jazıw taxtasındag’ı tekst jabıladı. Tekst mazmunın eslewde oqıwshılar ta’repinen aytılg’an imlası qıyın so’zlerden eki-u’shewin oqıtıwshı jazıw taxtasına jazıp qoyadı.