Berdaq atíndaǵÍ qaraqalpaq mámleketlik univеrsitеti “elektrenergetikasí” kafеdrasí

1-Lektsiya.
ÓLSHEWLER BIRLIGIN TÁMIYNLEW TARAWÍNDAǴÍ TIYKARǴÍ NÍZAMLÍ DALOLATNAMALAR
Reje:

1. 
   Nízamlastíríwshí metrologiya tarawíndaǵí xalqaralíq kelisimler.
   
2. 
   Respublikada ólshewler birligin támiynlew boyínsha múnisebetlerdi huqíqiy tártipge salíw tarawínda húkimet qararlarí.
   
3. 
   Tarmaqlar aralíq qollanílatuǵín normativ dalolatnamalar.
   
4. 
   Ólshewler birligin támiynlew tarawíndaǵí idoralíq normativ hújjetleri.
   

1.1. Nízamlastíríwshí metrologiya tarawíndaǵíxalqaralíq kelisimler.

Metrologiyaníń pán hám texnikaníń túrli tarawlarínda gárezsiz rawajlaníwí ólshew qurílmalarín qiyaslaw boyínsha túrli instruktsiyalar hám normativ hújjetlerdiń úlken muǵdarí jaratílíwína sebep boladí, bul bolsa metrologiya tarawínda hám ólshew asbaplarí xalqaralíq almasíwín sezilerli dárejede qíyílastíradí. Xalqaralíq sawdaníń rawajlaníwí qiyaslaw instruktsiyalaríníń birdeylesiwiniń, qiyaslaw qaǵiydalaríníń ózara tán alíníwí hám ólshew asbaplarína xalqaralíq kólemde bar bolíwín talap etti. Usí maqsette 1956 jíl Metrologiya nízamlarín shíǵaríwshí xalqaralíq shólkem (MOZM) shólkemlestirildi.

MOZMníń eń áhmiyetli waziypasí bolíp xalqaralíq sawda hám texnikalíq almasíwda ólshewler usíllaríniń birligin belgilew hám olardíń qáteliklerin bahalawǵa járdem beretuǵín, nízamlí hám texnikalíq mazmundaǵí xalqaralíq usíníslardí islep shíǵíw esaplanadí.
MOZM shólkemlestirilgen waqíttan baslap basshílíq konferentsiyalar tárepinen 50 den artíq xalqaralíq usíníslar islep shíǵíldí hám tastíyíqlandí hámde shamasí 10day usíníslar Nízamlí metrologiya xalqaralíq komiteti (MOZM) tárepinen tastíyíqlandí.
MOZMníń aníqlíq normativlerin klassifikatsiyalaw, ólshew shegaralarí, atamalastíríw, ólshew qurallaríníń texnikalíq xarakteristikalarí máseleleri boyínsha usíníslarí mámleketler, usínan Ózbekstan respublikasí tárepinen de standartlardí islep shíǵíwda paydalaníladí.
MOZM xalqaralíq usíníslarí belgilengen nízamlar milliy normativ hújjetlerde qollaníladí. Solay eken, máselen, QMXT usínísína muwapíq GOST 2405–63 manivakuummetrler ushín artíqsha basímlardíń joqarí shegaralaríníń jańa qatarí kiritildi.
Nízamlastíríwshí metrologiya tarawínda xalqaralíq kelisimler islep shíǵíw ushín QMXT dúzilisinde iskerliginiń túrli baǵdarlarí boyínsha texnikalíq komitet hám kishi komitet kózde tutílǵan.