Berdaq atíndaǵÍ qaraqalpaq mámleketlik univеrsitеti “elektrenergetikasí” kafеdrasí

1.2. Respublikada ólshewler birligin támiynlew boyínsha huqíqiy tártipge salíw tarawínda húkimet qararlarí.

Bizdiń respublikamízda joqarí mámleket hákimyatí dalolatnamalarí bolíp Oliy Majlis tárepinen qabíl qílínatuǵín nízamlar esaplanadí. Respublikamízdíń tiykarǵí nizamí – Ózbekstan Respublikasí Konstitutsiyasí. Ózaldína tarawlarda nízamlar kompleksi kodeksler dep ataladí. Miynet haqqínda nízamlar kodeksi, jinayat kodeksi hám basqalar. Nízamlí metrologiyaníń tiykarǵí dalolatnamalarínan biri bolíp sapasíz, standartlarǵa yamasa texnikalíq shártlerge muwapíq emes ónimdi qayta–qayta yamasa úlken ólshemde islep shíǵaríw ushín jinayíy jazaní kózde tutiwshí jinayat kodeksiníń muwapíq statiyasí esaplanadí.

Metrologiya boyínsha nízamlí dalolatnamalar bolíp húkimet qararlarí esaplanadí. Olardan birinshisi 1918 jílda “Ólshewler hám awírlíqlar xalqaralíq metrikalíq sistemasín engiziw haqqíndaǵí” dekret bolǵan. 1942 jílda “Mámleket qiyaslawí hám tamǵalaníwí májbúriy bolǵan tekseriw ólshew asbaplarí hám ólshewler haqqíndaǵí” qarar shíqtí. 1983 jílda nízamlí metrologiya tarawínda húkimettiń eń áhmiyetli qararlarí “Mámlekette ólshewler birligin támiynlew haqqíndaǵí” qarar boladí.
Ózbekstan Respublikasí Prezidenti janíndaǵí Ministrler Kabineti 1992 jíl 29 aprelde 211–sanlí “Ózbekstan Respublikasí standartlar metrologiyalíq qaǵiydalar hám ólshewler birligi ústinen mámleket qadaǵalawí haqqíndaǵí nízamdí tastíyíqlaw haqqíndaǵí” qarardí baspadan shíǵardí, bunda bolsa Ózbekstan respublikasínda standartlar hám ólshew qurílmalarí ústinen mámleket qadaǵalawíníń tiykarǵí waziypasí mekemelik boysíníwí hám múlk formasínnan qattiy názer ministrlikler, idaralar, kárxanalar hám túrli shólkemler tárepinen támiynlewi hám ámel qílíníwí ekenligin kózde tutadí.
1993 jíl 2 martta Ózbekstan Respublikasí Prezidenti janíndaǵí Ministrler Kabineti tárepinen “Ózbekstan respublikasínda standartlastíríw boyínsha jumíslardí shólkemlestiriw haqqíndaǵí” 93-sanlí qarar qabíl qílíndí. Ózbekstan Respublikasí gárezsizligi járiyalaníwí múnásibeti menen, respublikada standartlastíríw, metrologiya hám sertifikatlastíríw milliy sistemasín jaratíwdíń tiykarlarí quríldí.
Sol múnásibet penen aldínǵí Davstandarttíń respublika aymaǵínda jaylasqan shólkemleri bazasínda Ózbekstan mámleketliklik standartlastíríw, metrologiya hám sertifikatlastíríw orayí (Ózdavstandart) shólkemlestirildi.
Bul qararda respublika aymaǵínda standartlastíríw obektlerine qoyílatuǵín talaplardí aníqlawshí normativ hújjetler klasí aldínnan kelisip alínadí, soníń menen Ózbekstan respublikasí standartlastíríw mámleket sistemasíníń tiykarǵí printsipleri hám Ózbekstan mámleketliklik standartlastíríw, metrologiya hám sertifikatlastíríw orayí haqqíndaǵí tiykarǵí sistemalar tastíyíqlandí.
1993 jíl 28 dekabrde Ózbekstan Respublikasí Joqarí Keńesi tárepinen respublikada metrologiya boyínsha iskerlik mámleket basqaríwín tártipge salíwshí “Metrologiya haqqíndaǵí” Ózbekstan Respublikasí Nizamí qabíl qílíndí.
2002 jílda Ózbekstan Respublikasí Prezidenti janíndaǵí Ministrler Kabineti tárepinen “Standartlastíríw, metrologiya hám ónim xizmetlerin sertifikatlastíríwdí jedellestiriw boyínsha shara-ilajlar haqqíndaǵí”342-sanlí qarar qabíl qílíndí. Bul qararda Ózbekstan Respublikasí Ministrler Kabineti janíndaǵí Ózbekstan mámleketlik standartlastíríw, metrologiya hám sertifikatlastíríw orayí (Ózdavstandart) Ózbekstan standartlastíríw, metrologiya hám sertifikatlastíríw agentligine (“Ózstandart” agentligi) aylandíríw haqqínda qarar qabíl qílíndí.

3.