Berdaq shayirdiń dástani Joba

JUWMAQ

Berdaq shayır G`arg`abay ulı XIX a`sirdegi qaraqalpaq klassik a`debiyatının` tiykarın salıwshılardın` biri. Ol pu`tkil o`mirin ha`m do`retiwshilik xızmetlerin birinshi na`wbette qaraqalpaq xalqının`, sonın` menen birge pu`tkil insaniyattın` baxtı-saadatı ushın gu`reske bag`ıshladı.

Bizin` pitkeriw qa`n`igelik jumısımızdın` teması «Berdaq shayırdın` «Xorezm» da`stanının` izertleniw ma`seleleri ha`m onı oqıtıw ma`seleleri» dep ataladı. Jumısımız kirisiw u`sh bap, juwmaq ha`m paydalang`an a`debiyatlar diziminen ibarat bolıp esaplanadı.
Jumısımız barısında belgili ilimpazlar N.Da`wqaraev, A.Karimov,
S.Ma`wlenov, O.Kojurov, B.Ismaylov, S.P.Tolstov, T.A.Jdanko, S.Kamalov, Q.Kamalov, S.Axmedov, A`.Paxratdinov, A.Pirnazarovlardın` shayır do`retiwshiligi boyınsha ilimiy miynetlerine su`yenip jumısımızdı ken` orınlı paydalandıq.
Jumıstın` birinshi babı. Biz ko`p a`sirlik o`tkendegi ma`deniyatı, a`debiyat tariyzımızdan belgili, tariyxımızdın` o`tkendegi tariyxı, ha`zirgi jasap atırgan a`wldalar ushın ten`i-tayı joq u`lken a`hmiyetke iye. O`ytkeni bel, Arqa Xorezm, dep atalgan a`yyemgi qaraqalpaq topırag`ında neshshe neshshe alımlar, danıshpan ilimpazlar, shayır qıssaxanlar, jıraw baqsılar jasamag`an deysiz. Onda o`z eli o`z xalqının` keleshegi ushın janların pida` etken, qanshadan-qansha azamatlar o`tken deysiz.
Biz du`n`ya tsivilizatsiyasının` basıp o`tken jollarına qarag`anımızda ha`r qanday xalıqtın` gu`llep, jaynap jasawı ushın o`tken tariyxtın` ten`i-tayı joq a`hmiyetlik bolg`anlıg`ın ko`remiz. Bul ma`seleni jay xalıqlar emes, ullı taxt iyeleri bolg`an patshalar da, xanlarda, u`lken ilimpazlar da, jazıwshı shayırlarda mugallimler, owshılar da o`z o`mirlerin, o`z xalqının` tariyxın ma`deniyatın, a`debiyatın u`yreniwge bag`ıshlag`an.
Bunda shayır XIXa`sirde jasap sonsha lirikalıq shıg`armalar, kesikn konflikt, ken` polotnadag`ı a`jayıp da`stanlardı do`retiw arqalı bizin` qaraqalpaq xalqının` ja`miyetlik tariyxı ha`m milliy ma`deniy tariyxının` bir bo`legi bolıp milletimiz ushın, bu`gingi jas a`wladlarımız ushın ma`n`gi ruwxıy azıq bolıp xızmet eteri so`zsiz.
Bizge Berdaq shayır miyrası arqalı jetken tariyx sabaqları bizin` ha`zirgi jasap turg`an a`wladlarımızdı ruwxlandırıwshı ha`zirgi milliy ideya tiykarında qayta ta`rbiyalaytug`ın u`lken xalıqlıq ruwxıy miyras ekenligi menen baxalı.