Big data tahlili

Strukturalanmagan ma’lumotlar manbalarini oʻrganish
Strukturalanmagan ma’lumotlar hamma joyda mavjud. Darhaqiqat, aksariyat shaxslar va tashkilotlar oʻz hayotlarini strukturalanmagan ma’lumotlar atrofida yashaydilar. Xuddi strukturalangan ma’lumotlarda boʻlgani kabi, strukturalanmagan ma’lumotlar mashina yoki inson tomonidan yaratiladi.
Mashina yaratgan strukturalanmagan ma’lumotlarga misollar:

• 
  Sun’iy yoʻldosh tasvirlari: Bunga ob-havo ma’lumotlari yoki hukumat sun’iy yoʻldosh kuzatuvi tasvirida yozib olgan ma’lumotlar kiradi. Masalan, Google Earth orqali tasvirlarni olish.
  
• 
  Ilmiy ma’lumotlar: Bunga seysmik tasvirlar, atmosfera ma’lumotlari va yuqori energiya fizikasi kiradi.
  
• 
  Fotosuratlar va videofilmlar: Bunga xavfsizlik, kuzatuv va yoʻl harakati videolari kiradi.
  
• 
  Radar yoki sonar ma’lumotlari: Bunga transport vositalari, meteorologik va okeanografik seysmik profillar kiradi.
  

Quyida inson tomonidan yaratilgan strukturalanmagan ma’lumotlarning bir nechta misollar berilgan:

• 
  Tashkilotning ichki ma’lumotlari: Hujjatlar, jurnallar, soʻrov natijalari va elektron pochtalardagi barcha matnlarni qaraylik. Korxona toʻgʻrisidagi ma’lumotlar bugungi kunda dunyodagi matnli ma’lumotlarning katta foizini tashkil etadi.
  
• 
  Ijtimoiy media ma’lumotlari: Ushbu ma’lumotlar YouTube, Facebook, Twitter, LinkedIn va Flickr kabi ijtimoiy media platformalarida hosil boʻladi.
  
• 
  Mobil ma’lumotlar: Bunga matnli xabarlar va joylashuv(location) ma’lumotlari kabi ma’lumotlar kiradi.
  
• 
  Veb-sayt kontenti: Bu YouTube, Flickr yoki Instagram kabi strukturalanmagan kontentni yetkazib beradigan har qanday saytda yaratiladi.
  

Ba’zi odamlar strukturalanmagan ma’lumotlar atamasi chalgʻituvchi deb hisoblashadi, chunki har bir hujjat uni yaratgan dastur asosida oʻzining strukturasi yoki formatini oʻz ichiga olishi mumkin. Biroq, hujjatning ichki qismi haqiqatan ham strukturalanmagan.
Hozirgacha strukturalanmagan ma’lumotlar ma’lumotlar tenglamasining eng katta qismidir va strukturalanmagan ma’lumotlardan foydalanish holatlari tez sur’atlar bilan kengayib bormoqda. Faqatgina matn tomonida matn analitikasi strukturalanmagan matnni tahlil qilish va tegishli ma’lumotlarni olish va ushbu ma’lumotlarni turli usullar bilan qoʻllanilishi mumkin boʻlgan strukturalangan ma’lumotga aylantirish uchun ishlatilishi mumkin. Masalan, katta ma’lumotlardan ommolashgan holda foydalanish - bu mijozlarning katta hajmdagi suhbatlarida foydalanish uchun ijtimoiy mediani tahlil qilish hisoblanadi. Bundan tashqari, strukturalanmagan call-markaz yozuvlari, elektron pochta xatlari, soʻrovnomada yozma sharhlar va boshqa hujjatlar mijoz qiziqishlarini oʻrganish uchun tahlil qilinadi. Bu mijozlar tajribasini oʻrganish uchun oʻn millionlab manbalardan olingan ijtimoiy tarmoqlar bilan birlashtirilishi mumkin.