Big data tahlili

DARPAga minnatdorchilik bildiramiz
Eng taniqli taqsimlangan hisoblash modeli, Internet - elektron tijoratdan tortib to bulutli hisoblashgacha, xizmatlarni boshqarish va virtualizatsiya uchun asosdir. Internet AQSh DARPA tomonidan moliyalashtirilgan tadqiqot loyihasi sifatida oʻylab topilgan. U olimlar oʻrtasida notijorat va birgalikda olib boriladigan tadqiqotlarni qoʻllab-quvvatlaydigan oʻzaro bogʻliq tarmoq tizimini yaratish uchun ishlab chiqilgan. Internetning dastlabki kunlarida ushbu kompyuterlar koʻpincha telefon liniyalari bilan bogʻlangan (3.1-rasmga qarang).


3.1-rasm. Internetga ulanishning dastlabki modeli.

Soʻnggi oʻn yil ichida texnologiya rivojlanganligi sababli, Transmission Control Protocol (TCP) kabi umumiy protokollar texnologiya va tarmoqni koʻpayishiga yordam berdi. Internet protokoli (IP) qoʻshilganda, loyiha olimlar uchun yopiq tarmoqdan butun dunyo boʻylab elektron pochta xabarlarini yetkazish uchun potentsial tijorat platformasiga oʻtdi. 1980-yillar DARPA tarmogʻiga tijorat alternativasi sifatida yangi Internetga asoslangan xizmatlar paydo boʻldi. 1992 yilda AQSh Kongressi birinchi marta ushbu kuchli tarmoq texnologiyasidan tijorat maqsadlarida foydalanishga ruxsat bergan Ilmiy va ilgʻor texnologiyalar toʻgʻrisidagi qonunni qabul qildi. Shiddatli rivojlanishi bilan Internet haqiqatan ham global taqsimlangan tarmoq boʻlib, taqsimlangan hisoblash quvvatining eng yaxshi namunasi boʻlib qolmoqda.

Uygʻunlashgan modelning qiymati
Ushbu DARPA boshchiligidagi harakat taqsimlangan hisoblashga oʻtishda qanday oʻzgarish qildi? Internet tijoratlashtirilgunga qadar, yuqori darajada taqsimlangan kompyuter muhitini qoʻllab-quvvatlash uchun umumiy platformani taqdim etishga moʻljallangan dasturiy ta’minot infratuzilmasini yaratadigan yuzlab kompaniya va tashkilotlar mavjud edi. Biroq, har bir sotuvchi yoki standart tashkilot oʻzining barcha mijozlari, tijorat dasturiy ta’minot ishlab chiqaruvchilari va sheriklari qabul qilishi va qoʻllab-quvvatlashi kerak boʻlgan masofaviy protseduralar chaqiruvlari(RPC) bilan keldi. RPC - bu uzoq masofadagi kompyuterga topshiriq joʻnatish uchun ishlatiladigan va odatda boshqa topshiriqni davom ettirishdan oldin masofadan ishlashni kutishni talab qiladi sodda mexanizm.
Xususiy RPC-larni ishlab chiqaruvchilar bilan har qanday kompaniya taqsimlangan hisoblash uchun universal standartni yaratishi mumkinligini tasavvur qilish qiyin edi. 1990-yillarning oʻrtalariga kelib, Internet protokollari ushbu eski yondashuvlarni almashtirdi va bugungi kungi taqsimlangan hisoblashlar uchun asos boʻldi. Ushbu qaror qabul qilingandan soʻng, ushbu yondashuvni tarmoqdagi kompyuterlarga tatbiq etish rivojlana boshladi. Bugungi kunda biz 3.2-rasmda koʻrsatilgandek, kerakli vaqtda tezlikda ma’lumot almashish va aloqa qila oladigan, erkin bogʻlangan kompyuterlar tarmogʻini yaratishimiz mumkin deb qabul qilamiz.

3.2-rasm. Dastlabki taqsimlangan hisoblash texnikasida RPC(Masofaviy Prodsedura Chaqiruvi) qanday ishlatilganiga misol.

Taqsimlangan hisoblash asoslari

Yagona taqsimlangan hisoblash modeli mavjud emas, chunki hisoblash resurslari koʻp jihatdan taqsimlanishi mumkin. Masalan, siz bir serverda dasturlar toʻplamini tarqatishingiz va xabar almashish xizmatlaridan foydalanishingiz, ular bilan aloqa qilish va ma’lumot uzatishingiz mumkin. Bundan tashqari, bitta muammoni birgalikda hal qila oladigan, har biri oʻz xotirasiga ega boʻlgan turli xil tizimlar yoki serverlarga ega boʻlish mumkin.