Bilan tasdiqlangan

Soqchi 
178. 
Soqchi dahlsiz shaxsdir. Uning dahlsizligi quyidagilarda ko’rinadi: 
— uning huquqlari va insoniy qadr-qimmati qonun bilan himoya qilinishida; 
— uning qat’iy ma’lum shaxslarga — qorovul boshlig’iga, uning yordamchisiga va o’zining 
tarqatuvchisigagina bo’ysunishida; 
— xizmati bo’yicha barcha shaxslar uning talablarini so’zsiz bajarishlarida; 
— ushbu Nizomda ko’rsatilgan hollarda qurol ishlatish huquqi berilishida. 
179. 
Faqat qorovul boshlig’i, qorovul boshlig’i yordamchisi va soqchi bo’ysunadigan 
tarqatuvchi soqchini postdan almashtirish va olish huquqiga ega. Qorovul boshlig’i, uning 
yordamchisi va tarqatuvchi vafot etsa yoki jismoniy jihatdan o’z vazifasini bajara olmay 
qolsa, qorovullarni postdan olish va almashtirishni garnizon (harbiy qism) bo’yicha 
navbatchi o’z rotasi (batareyasi) yoki bataloni (divizioni) komandiri ishtirokida amalga 
oshiradi. 
181. 
Soqchi quyidagilarga majburdir: 
— o’z postini sergaklik bilan qo’riqlashga va tik turgancha himoya qilishga; 
— sergak xizmat qilishga, hech narsaga chalg’itmaslikka, qurolini qo’lidan qo’ymaslikka 
va hech kimga, hatto o’zi bo’ysunadigan shaxslarga ham bermaslikka; 
— ko’rsatilgan yo’nalish bo’yicha harakat qilib yoki kuzatuv minorasida turib postga 
keladigan yo’llarni, to’siqlarni diqqat bilan kuzatishga va post raqamida ko’rsatilgan 
vaqtlarda xizmatning borishi haqida aloqa vositalari orqali xabar qilib turishga; 
— navbat almashmasa yoki uni postdan olishmasa, hayotiga xavf tug’ilgan paytda ham 
postni tashlab ketmaslikka; postni o’zboshimchalik bilan tashlab ketish harbiy jinoyat 
hisoblanadi; 
— postda 99-moddaga binoan, doimo o’qlangan qurol olib turishga va doimo hamma 
narsaga tayyor bo’lib turishga; 
— post raqamida ko’rsatilgan va maxfiy chegara ko’rsatkichlari bilan ajratilgan joydan 
ichkariga, post yaqiniga qorovul boshlig’i, uning yordamchisi va o’zining tarqatuvchisi va 
ular boshlab kelgan shaxslardan boshqa hech kimni qo’ymaslikka; 
— qorovul transport vositalari harakat yo’nalishini va tashish, shuningdek, uning tanitish 
belgi va signallarini bilishga; 
— postdagi o’t o’chirish vositasini ishlata olishga; 
— obyekt (post) to’siqlarida biror buzilgan joy, o’z posti yaqinida yoki qo’shni postda tartib 
buzilganini sezsa, qorovul boshlig’ini chaqirishga; 
— qo’riqchi itning xurganini eshitgan zahoti bu haqida qorovulxonaga xabar beradi. 
182. 
Soqchi postda nayza ulangan qurol bilan turishi kerak (buklanadigan qo’ndoqli avtomat 
pichoq-nayzasiz bo’ladi, uning pichoq-nayzasi kamardagi qinda turadi); tunda tik turib 
otishga tayyor turgan holda; kunduz — «tasma yelkaga» yoki tik turib otishga tayyor turgan 
holda (9-ilova); ichki postlarda va Jangovar Bayroq qo’riqlanayotgan postda yog’och 
qo’ndoqli avtomat «tasma-yelkaga», buklanadigan qo’ndoqli avtomat «ko’krakka», karabin 
«oyoqq» holatida ushlanishi lozim; o’q to’ldirilgan o’qdan (oboyma) solingan sumka 
tugmalangan bo’lishi kerak. 

---

To’pponchalar og’zi yopilgan g’ilofda bel kamariga osib qo’yiladi. Yong’inni o’chirish yoki 
tabiiy ofat oqibatlarini tugatish paytida soqchiga qurolni «qurol orqaga» holatida olib 
yurishiga ruxsat beriladi. 
183. 
Soqchiga quyidagilar taqiqlanadi: uxlash, o’tirish, biror narsaga enkayish, yeyish, 
o’qish, gaplashish, yeyish, ichish, chekish, tabiiy ehtiyojlarga borish, kimligidan qat’iy 
nazar birovga bir narsa berish va birovdan bir narsa olish, keraksiz paytda patronnikka 
patronni junatish. 
Soqchi faqat qorovul boshlig’ining, uning yordamchisining, o’z tarqatuvchisining va 
tekshirish uchun kelgan shaxsning savollariga javob berishi kerak.