Bilan tasdiqlangan

Tarqatuvchi 
170. 
Tarqatuvchi o’ziga bo’ysunuvchi soqchilarning to’g’ri va xushyor xizmat qilishiga, o’z 
vaqtida almashuv bo’lishiga va soqchilarning postlarga qo’yilishiga, soqchilarning postlarni 
to’g’ri topshirishiga va qabul qilib olishiga javob beradi. U qorovul boshlig’iga va uning 
yordamchisiga bo’ysunadi va faqat ularning buyrug’ini bajaradi. 
171. 
Tarqatuvchi o’zi yoki qorovul tarkibida qo’riqlanayotgan obyektga, soqchiga, navbat 
almashishga borayotgan yoki navbat almashishdan qorovulxonaga qaytayotgan 
qorovullarga hujum bo’lganda qurol ishlatish huquqiga ega. 
172. 
U quyidagilarga majburdir: 
— o’z postlarini, ularning joyini va chegarasini; ularga borish yo’llarini, qo’riqlash va 
himoya qilish shartlarini (kuzatish, otish, o’rash) va har bir postdagi soqchining asosiy 
majburiyatlarini bilishga; 
— eski qorovul tarqatuvchisidan muhr (plomba) nusxasini qabul qilib olishga, soqchilarni 
postlarga qo’yishda esa postlar raqamiga binoan qo’riqlashda bo’lgan obyektlarni qabul 
qilib olishga va bu haqida qorovul boshlig’iga axborot berishga; 
— qorovullarni postlarga jo’natishdan oldin ularni o’z majburiyatlari haqidagi bilimlarini 
sinab ko’rishga, shuningdek, ular o’zlarining chekadigan va o’t oldiradigan narsalarini 
qorovulxonada qoldirganligini tekshirib ko’rishga; 
— qorovullar tomonidan postga jo’nashdan oldin qurolning to’g’ri o’qlagani va postdan 
qaytgach, to’g’ri o’qsizlantirganini kuzatib turishga (98-, 99-,225-moddalar); 
— har bir qorovullar almashuvidan qaytgach, almashuv bo’lgani, postlarning ahvoli haqida, 
barcha kamchiliklar va ularni bartaraf etish uchun ko’rilgan chora-tadbirlar haqida qorovul 
boshlig’iga axborot berishga; 
— qorovul boshlig’ining ruxsati bilan o’ziga bo’ysunadigan soqchilarning xizmatini 
o’tashni tekshirib ko’rishga. 
Gauptvaxtadagi qorovul tarqatuvchisi yuqoridagilardan tashqari unga bo’ysunadigan soqchi 
qo’riqlayotgan bandilar sonini ham bilishi keraq 
173. 
Soqchilarni postlarga qo’yishda va ularni almashtirishda tarqatuvchi quyidagilarga 
majburdir: 
— almashuv uchun postlarga borayotganda va qaytayotganda postlar joylashuvi sxemasida 
ko’rsatilgan harakat yo’nalishiga qat’iy amal qilishga; 
— soqchi va postda turayotgan qorovul postni to’g’ri topshirishini va qabul qilib olishini 
kuzatishga; shaxsan soqchi va postda turayotgan qorovul bilan yoritish vositalarining, 
to’siqlarning, eshiklarning (darvozalarning), derazalarning ahvoli, omborlarning devorlari 
va panjaralari, qulflarning, bog’ichlarning va muhrning mavjudligi va holatini, ularning 
nusxalariga to’g’ri kelishini yoki qo’riqlashda bo’lgan jangovar mashinalarning (boshqa 
qurol-aslaha va harbiy texnikaning) sonini, shuningdek, texnik qo’riqlash vositalarining, 
aloqa, o’t o’chirish vositalarining va post kiyimlarining mavjudligi va holatini tekshirishga; 
post qo’riqlashga kirishayotgan soqchiga asosiy e’tiborni nimaga qaratish lozimligini, 
qo’shni postlar qayerda ekanligini, qo’riqlanayotgan obyektning eng xavfli joylarini 
ko’rsatishga; post chegarasi o’tgan joylarni va tabel raqamida ko’rsatilganiga binoan begona 
kishilarni soqchi tomonidan qo’yish mumkin bo’lmagan taqiqlangan chegarani 

---

ko’rsatishga, soqchining o’ziga, qo’riqlayotgan obyektiga yoki qo’shni postga hujum 
bo’lganda, shuningdek, yong’in chiqqanda nima qilishi kerakligini bilish-bilmasligini 
tekshirib ko’rishga; 
— soqchining axborot berish tartibi va qorovulxona bilan aloqa o’rnatish bilimini sinab 
ko’rishga.