Bilan tasdiqlangan

SAF NIZOMI. 
1. 
Saf — harbiy xizmatchilar, kichik bo’linmalar va qismlarning Nizomga ko’ra piyoda va 
mashinalarda birgalikda harakat qilish uchun joylashuvi. 
2. 
Sherenga (yonma-yon qator) — harbiy xizmatchilarning belgilangan oraliq masofani 
saqlagan holda bir chiziqda yonma-yon saf tortishi. 
Mashinalarning bir chiziqda yonma-yon saf tortishi. 
3. 
Qanot — safning o’ng (chap) chekkasi. Saf bir tomondan ikkinchi tomonga burilgan 
vaqtda qanotlar nomi o’zgarmaydi. 
4. 
Old — safning harbiy xizmatchilar yuzlanib turgan (mashinalarning old) tomoni. 
5. 
Orqa — oldga qarama-qarshi tomon. 
6. 
Interval — safda yonma-yon turgan harbiy xizmatchilar (mashinalar), bo’linmalar va 
qismlar o’rtasidagi oraliq masofa. 
7. 
Distansiya — safda oldinma-keyin turgan harbiy xizmatchilar (mashinalar), bo’linmalar 
va qismlar o’rtasidagi oraliq masofa. 
8. 
Safning eni — qanotlar o’rtasidagi masofa. 
9. 
Safning buyi — birinchi sherenga (oldinda turgan harbiy xizmatchi)dan so’nggi sherenga 
(oxirida turgan harbiy xizmatchi) orasidagi, mashinalar bilan turganda esa birinchi chiziqda 
(oldinda) turgan mashinalar bilan so’nggi (orqada) chiziqda turgan mashinalar o’rtasidagi 
masofa. 
10. 
Ikki sherengali saf — unda bir sherengada turgan harbiy xizmatchilar ikkinchi 
sherengada turgan harbiy xizmatchilar o’rtasidagi (orqada turgan harbiy xizmatchining kafti 
oldinda turgan harbiy xizmatchining yelkasiga qo’yiladigan) masofa bir qadam uzunligida 
bo’ladi. Sherengalar birinchi va ikkinchi deb ataladi. Saf burilgan vaqtda sherengalarning 
nomi o’zgarmaydi. 
Qator — ikki harbiy xizmatchining ikki sherengada oldinma-keyin turishi. Agar birinchi 
sherengada turgan harbiy xizmatchining orqasida ikkinchi sherengada hech kim turmasa, 
bunday qator to’liqsiz hisoblanadi. 
Ikki sherenga orqaga burilgan vaqtda to’liqsiz qatorda turgan harbiy xizmatchi oldingi 
sherengaga o’tadi.