BiRİnshi JÁrdem kórsetiWDİŃ uliwma tárepleri Reje

Birinshi basqısh: dem alıw jollarınıń ótkiziwsheńligin támiynlew.
Jábirleniwshiniń dem alıw jollarınıń ashıq ekenligine isenim qabıl etiń. Awız hám murınnan baslap ókpege shekem barǵan hawa ótiw jolları dem alıw jolı esaplanadı. Sóylew hám baqırıw qábiletine iye bolǵan hár qanday adam ushın joǵaltpaǵan hám dem alıw jolları ashıq boladı.
Eger jábirleniwshi kúshsiz bolsa, onıń dem alıw jollarınıń ótkiziwsheńligine isenim qabıl etiw kerek. Buniń ushın onıń basın arqa tárepine qaratıń hám iyegin fariń (3-4-súwret).
Bunda til dem alıw tamaǵınıń arqa bólimin berkitpeydi, ókpege hawa óte beredi. Eger jábirleniwshiniń moyın bólimi jaraqatlaǵan dep gúmanlansańız, dem alıw jolların ashıw ushın basqasha usıl qollanıń. Bul usıl "basın artqı tárepke qaratpastan tómegi jaǵın aldına sıljıtıw" dep ataladı. Bul usıl menen siz 4-bapta tanısasız. Eger jábirleniwshiniń dem alıw jollarına basqa bólekler kirip qalǵan bolsa, siz aldın olardı alıp taslawıńız kerek. 4-bapta dem alıw jolları jabıq bolǵanında birinshi járdem kórsetiw bayan etilgen.

3-6-súwret. Tamırdıń urıwın anıqlaw ushın, siz jábirleniwshiniń moynındaǵı sizgi jaqın turǵan tárepindegi uyqı arteriyasın uslap kóriń.	3-7-súwret. Ulıwma gúzetiw ótkizgen halda, jábirleniwshide kúshli qan ketiwi bar joqlıǵın anıqlań.	3-8-súwret. Jábirleniwshi bala haqqında ata-anası yamasa dógerektegi adamlar qosımsha maǵlıwmat beriwi múmkin.

Ekinshi basqısh:dem alıwdı tekseriw.
Keyingi basqısh dem alıp atırǵanlıǵın tekseriwden ibarat. Eger jábirleniwshi esinen tańǵan bolsa, onda dem alıw belgileri barlıǵına itibar beriw kerek. Dem alǵanda kókirek kóterilip, túsip turıwı zárur. Adam haqıyqatında da dem alıp atırǵanına isenim qabıl etiw ushın onıń demin esitiw hám seziw kerek. Bunıń ushın betińizdi jábirleniwshiniń awzı hám murnına jaqınlastırıń hám dem shıǵarıwdaǵı hawanı esitiwge hám seziwge háreket etiń. Bir waqıttıń ózinde kókirek quwıslıǵınıń kóterilip túsiwin gúzetiń. Bunı 5 sekund dawamında isleń (3-5-súwret).
Eger jábirleniwshi dem almay atırǵan bolsa, siz awızdan hawa ótkiziw jolı menen oǵan járdem beriwińiz kerek. Murın tesiklerin bastırıp, eki ret tolıq hawanı úpleń. Keyin bir márteden úplew ótkiziń. Bunday emlew ókpege jasalma hawa jiberiw (ventilyatsiyasi) delinedi. Bul haqqında 5-bapta bilip alasız.