Бирлашган миллатлар ташкилотининг

31-модда. Операцияларни ишга солмай тўхтатиб қўйиш (тўхтатиб туриш), банд солиш ва мусодара қилиш

1. Ҳар бир иштирокчи давлат ўзининг ички ҳуқуқий тизими доирасида мумкин бўлган максимал даражада қуйидагиларни мусодара қилиш имкониятини таъминлашни талаб қилиши мумкин бўлган чораларни кўради:

а) мазкур Конвенцияда жиноят деб тан олинган жиноий ҳатти-ҳаракатлар йўли билан орттирилган даромадлар ёки қиймати ушбу даромадлар қийматига тенг бўлган мол-мулк;
b) мазкур Конвенцияда жиноят деб тан олинган жиноий ҳатти-ҳаракатларни содир этишда фойдаланилган ёки фойдаланишга мўлжалланган мол-мулк, ускуналар;
2. Ҳар бир иштирокчи давлат, кейинчалик мусодара қилиш мақсадида, мазкур модданинг 1-бандида санаб ўтилганларнинг бирор бирини фош қилиш, кузатиш, вақтинча ишга солмай тўхтатиб туриш ёки банд солиш имкониятини таъминлаш учун талаб қилиниши мумкин бўлган чораларни кўради.
3. Ҳар бир иштирокчи давлат ўзининг ички қонунчилигига мувофиқ тарзда мазкур модданинг 1- ва 2-бандларида кўрсатилган ишга солмай тўхтатиб турилган, банд солинган ёки мусодара қилинган мол-мулкни ваколатли органлар томонидан бошқарилишини тартибга солиш учун талаб қилиниши мумкин бўлган қонуний ва бошқа чораларни кўради.
4. Агар бу каби, жиноят йўли билан орттирилган даромадлар қисман ёки тўлиқ ҳолда бошқа мол-мулкка айлантирилган ёки ўзгартирилган бўлса, у ҳолда мазкур моддада кўрсатилган чоралар ушбу мол-мулкка нисбатан қўлланади.
5. Агар бу каби, жиноят йўли билан орттирилган даромадлар қонуний манбалардан олинган мол-мулкка қўшиб олинган бўлса, у ҳолда мол-мулкнинг қўшиб олинган даромадларнинг баҳоланган қийматига мувофиқ бўлган қисми ишга солмай тўхтатиб туриш ёки банд солиш билан боғлиқ бўлган бошқа ҳар қандай ваколатларга таъсир кўрсатмаган тарзда мусодара қилинади.
6. Бу каби, жиноят йўли билан орттирилган даромадлар туфайли, жиноий даромадларнинг бошқа мол-мулкка айлантирилиши ёки ўзгартирилиши туфайли ёхуд бу каби жиноий даромадларнинг мол-мулкка қўшиб олиниши туфайли олинган фойда ёки бошқа устунликларга нисбатан ҳам мазкур моддада кўрсатилган чоралар худди жиноий йўл билан орттирилган даромадларга нисбатан кўриладиган чоралардек ва худди шундай даражада қўлланилади.
7. Мазкур модда ва мазкур Конвенциянинг 55-моддасининг мақсадлари учун ҳар бир иштирокчи давлат ўзининг судлари ёки бошқа ваколатли органларига банк, молиявий ёки тижоратга оид ҳужжатларни тақдим этиш ёки ҳибсга олиш тўғрисидаги қарорларни чиқариш ваколатларини беради. Иштирокчи давлат, банк сирини сақлаш заруратига ҳавола қилиб туриб, мазкур моддада келтирилган ҳолатларга мувофиқ чораларни кўришдан бош тортмайди.
8. Иштирокчи давлатлар жиноят содир этган шахс мусодара қилиниши лозим бўлган бу каби жиноий йўл билан олинганлиги тахмин қилинаётган даромадлар ёки бошқа мол-мулкнинг қонуний эканлигини исбот қилишини ички қонунчиликларининг энг муҳим принципларига ҳамда судда ва бошқа маҳкамаларда муҳокама қилиниши хусусиятларига мувофиқ бўлган даражада талаб қилишни белгилаш имкониятини кўриб чиқишлари мумкин.
9. Мазкур модданинг қоидалари айбсиз бўлган учинчи шахсларнинг ҳуқуқларига таъсир кўрсатадиган тарзда талқин қилинмайди.
10. Мазкур моддаги ҳеч қандай ҳолат унда баён этилаётган чоралар иштирокчи давлатнинг ички қонунчилигидаги ҳолатларга мувофиқ, уларга риоя қилиниши шарти билан белгиланиши ва амалга оширилиши тўғрисидаги принципга дахл қилмайди.


32-модда. Гувоҳлар, экспертлар ва жабрланувчиларнинг ҳимоя қилиниши
1. Ҳар бир иштирокчи давлат ўз қонунчилигининг ички тизимига мувофиқ ва ўз имкониятлари чегарасида мазкур Конвенцияда жиноят деб топилган жиноий ҳатти-ҳаракатлар муносабати билан кўрсатмалар бераётган гувоҳлар ва экспертларга нисбатан, тегишли ҳолатларда уларнинг қариндошлари ва уларга яқин бўлган бошқа одамларга нисбатан бўлиши эҳтимол тутилган ўч ёки пўписалардан самарали ҳимоя қилишни таъминловчи тегишли чораларни кўради.
2. Мазкур модданинг 1-бандида кўзда тутилган чоралар, айбланувчининг ҳуқуқлари, шу жумладан тегишли муҳокама ва ишни кўриш ҳуқуқига таъсир кўрсатмаган тарзда, ўз ичига қуйидагиларни олиши мумкин:
а) ушбу шахсларни жисмоний ҳимоя қилиш тартиботини белгилаш, масалан – зарур бўлган ва амалий жиҳатдан амалга оширилиши мумкин бўлган даражада – уларни бошқа жойга кўчириш учун ва тегишли вазиятларда мумкин бўлган шундай ҳолатларни қабул қилиш, ушбу шахсларга шахсан таълуқли ва уларнинг жойлашган манзили билан боғлиқ маълумотларни ошкор этмаслик ёки маълумотларнинг бундай ошкор этилишига чеклов ўрнатиш;
b) гувоҳлар ва экспертларга, уларни хавфсизлигини таъминловчи тарзда кўрсатмалар беришларига имкон берувчи, масалан видео алоқа каби алоқа воситалари ёки бошқа мувофиқ алоқа воситалари ёрдамида кўрсатмалар беришга рухсат беришдек исботлаш қоидаларини қабул қилиш.
3. Иштирокчи давлатлар мазкур модданинг 1-бандида кўрсатилган шахсларни бошқа жойга кўчирилиши хусусида бошқа давлатлар билан келишув ёки битим тузиш имкониятини кўриб чиқадилар.
4. Мазкур модданинг ҳолатлари жабрланувчиларга нисбатан ҳам, уларнинг гувоҳ деб саналувчи даражасида қўлланилади.
5. Ҳар бир иштирокчи давлат, ўзининг ички қонунчилигига риоя қилиш шарти билан, жиноий иш кўриб чиқилишининг тегишли босқичларида жабрланувчиларнинг жиноят содир этган шахсларга нисбатан фикрлари ва хавфсирашларининг баён этилиши учун ҳимоя ҳуқуқларига таъсир кўрсатмайдиган тарзда имконият яратади.