3-bosqich. Muammolarning muqobil yechimlarini topish va ularni rivojlantirish. Muammolarni vujudga keltirgan sabablar majmuasi ma’lum bo’lganidan so’ng, ularni bartaraf qilish orqali muammoning bir qismini yoki barcha sabablar mohiyati bilinsa, muammoni tamoman va uzil-kesil hal qilish mumkin. Muammoni yechishning turli usullarini topib, tekshirib, har bir muqobil yechimlarga asos bo’lishi mumkin bo’lgan ijobiy va salbiy shart-sharoitlarni loyiha ishtirokchilarini jalb qilgan holda har tomonlama tahlil qilish muqobil yechimlarni topish va rivojlantirish bosqichining amalga oshirilishiga misol bo’la oladi. Muammoning aniq sabablari soni qancha ko’p bo’lsa, muqobil yechimlarning takliflari soni ham shuncha ko’p bo’ladi, chunki har bir muqobil yechim biror-bir sababni hal qilish bilan bog’liq.
Do'stlaringiz bilan baham: |
