«Biznes boshqaruv asoslari» fanidan glossariy aktiv

Boshqarish ob’ekti - umumiy maqsadlarga erishish uchun faoliyati ongli ravishda muvofiqlashtiriladigan tashkilot - insonlar guruhi.

Boshqarish sub’ekti - menejerlar, tashkilotning to‘la boshqaruv tarkibi.

Byudjet - 1) qonunchilik yo‘li bilan tasdiqlangan va muayyan muddatga mo‘ljallangan davlat daromadlari va xarajatlari ro‘yxati; 2) davlat, korxona yoki fuqaroning muayyan davrdagi kutilayotgan daromadlari va xarajatlari. Davlat byudjet daromadlarining asosiy manbai soliqlar sanaladi.

Valyuta birjasi - milliy valyutalarning uyushgan bozori. U yerda valyutalar o‘rtasida talab va taklifga ko‘ra shakllangan qadrlanish kursi (kotirovka) bo‘yicha valyutalarning oldi-sotdisi amalga oshiriladi.

Valyuta bozori - chet el valyutasi va chet el pul birliklarida ifodalangan to‘lov xizmatlarini sotib olish, sotish, ayirboshlash operatsiyalari amalga oshiriladigan iqtisodiy munosabatlar sohasi.

Garov - biron bir yuridik yoki jismoniy shaxsni boshqa bir shaxsga mol-mulkini yoki unga bo‘lgan huquqini majburiyatlarni ta’minlash uchun unga berib qo‘yish.