Biznes rejani axborot manbai

Biznes-reja nima?
Biznes-reja – bu sizning brendingiz, maqsadlaringiz va ularga erishish uchun foydalanadigan vositalarning qisqacha mazmuni. Bu sizning biznes yo‘lingizni boshqarishga yordam beradigan yo‘l ko‘rsatuvchi.
Lekin hamma narsani ham rejalashtirmang va kelajak haqidagi rejalar ustida ko‘p boshqotirmang. Eng muhimi bugungi kun yoki yaqin kelajak uchun rejalar ustida qattiq ishlab, ularni yakunlash va ular tugashi bilan yangilarini bajarishga kirishish. Sizning biznes rejangiz yakuniy emasligini unutmang – u har doim o‘zgarishi mumkin. Aslida, siz vaqti-vaqti bilan uni ko‘rib chiqishingiz va o‘zgartirishlar kiritishingiz kerak bo‘ladi. Qiyin va murakkab narsalarni qilishning hojati yo‘q, reja oddiy va tushunarli bo‘lishi kerak.
Biznes-reja elementlari
Biznes-reja sizning brendingiz, auditoriyangiz, taklifingiz va biznes strategiyangiz haqida aniq ma’lumotlarni berishi kerak. U beshta asosiy elementga ega bo‘lishi kerak – rejalarni taqsimlash, yozib olish, har bir bosqichda ko‘rsatilgan savollarga javob berish. Agar javob bera olmasangiz, savolni yaxshiroq o‘rganishga harakat qiling va ko‘proq ma’lumot to‘plang.
1. Missiya va qarash
Nima uchun o‘z biznesingiz yoki blogingizni ochdingiz? Uning maqsadi nima? Kimga va qanday yordam beradi? Bu savollarga imkon qadar batafsil javob berishga harakat qiling.
Misol: Men intiluvchan blogerlarga muvaffaqiyatli va barqaror onlayn biznesni boshlashda yordam beraman, shunda ular pul topishlari, oilalarini boqishlari va to‘laqonli hayot kechirishlari mumkin. Men maqsadimga ajoyib tarkib, yordam va foydali mahsulotlar/xizmatlar bilan erishmoqchiman.
2. Maqsadli auditoriya
Siz ishlamoqchi bo‘lgan auditoriyani to‘liq tushunish uchun ularning fikrlashi va o‘y-hayollarini tahlil qilishingiz kerak. Buning uchun siz ideal mijoz yoki (agar siz bloger bo‘lsangiz) obunachi tasvirini o‘ylab topishingiz kerak.
Shu o‘rinda savol tug‘ilishi mumkin: “Meni qanday odamlar o‘qishini (kuzatishini) qanday aniqlashtiraman?”. Gap shundaki, agar siz maqolangiz bilan kim qiziqishi mumkinligi haqida o‘ylab ko‘rsangiz va uni ushbu ma’lumotni hisobga olgan holda yozsangiz, unda siz o‘zingiz taqdim etgan auditoriyani jalb qilasiz.
Misol: Sizning ideal obunachingiz – 25 yoshdan 40 yoshgacha bo‘lgan ayol. U turmush qurgan, farzandlari bor va hayotini tubdan o‘zgartirishga qaror qildi. Keling, uni Anna deb ataylik. Anna haqida ma’lumot:
Annaning onlayn tajribasi yo‘q, lekin u uyda ishlash, farzandlarini tarbiyalash va boshqalarning hayotiga ijobiy ta’sir ko‘rsatish imkonini beradigan daromad manbaiga ega bo‘lishni xohlaydi.
Grafik dizayn, veb-saytlar yaratish, brending, marketing, SMM va biznes uchun zarur bo‘lgan boshqa narsalarni o‘rganishga vaqt yo‘q. U nimadan boshlashni bilmaydi.
Axborot, motivatsiya va yordamga ehtiyoj bor. Annaning bo‘sh vaqti ko‘p bo‘lmagani uchun, u turli saytlarda qidirmaslik uchun barcha kerakli ma’lumotlarni bir joyda bo‘lishini xohlaydi.
Yangi ko‘nikmalarni o‘rganish va o‘z biznesingizni qurishga sarmoya kiritish istagi bor.
Anna aqlli, yaxshi o‘qiydigan, mas’uliyatli va ko‘nikuvchan.
U tabiatni sevadi va sog‘lom turmush tarzini olib boradi.
Amalga oshirish oson bo‘lgan maslahatni afzal ko‘radi.
Soxtalik va yolg‘onchilik kabi illatlardan ancha yiroq.
Halollik, mehribonlik va do‘stlikni qadrlaydi.
Albatta, potensial o‘quvchi haqida eng kichik tafsilotlarigacha o‘ylab ko‘rishingiz shart emas. Ammo quyidagi parametrlarni hisobga olish kerak:

1. 
   Jins
   
2. 
   Yosh
   
3. 
   Maqsadlar/intilishlar
   
4. 
   Tajriba darajasi
   
5. 
   Muammolar
   
6. 
   Ehtiyojlar
   
7. 
   Motivatsiya
   
8. 
   Shaxsiyat
   
9. 
   Yoqtiradi va yoqtirmaydi
   
10. 
    Qadriyatlar
    
11. 
    Uslub
    

Maqsadli auditoriyangiz qanday ko‘rinishini tushunganingizdan so‘ng, ular yoqtiradigan kontentni yaratish siz uchun osonroq bo‘ladi.