Бизнес ташкил қилишнинг 10 асоси “бизнес ташкил қилишнинг 10 асоси”

МЕН ДУШМАНЛАРИМНИ ДЎСТИМГА АЙЛАНТИРИШ
БИЛАН УЛАРНИ “ЙЎҚ” КИЛДИМ
Авраам Линкольн
5 – АСОС: ИШГА ТАКЛИФ ҚИЛИШ (ТАКЛИФ)

Бизнинг дўстларимиз ва қариндошларимизни презентацияга таклиф қилишдан асосий мақсадимиз, уларни бизнес билан таништиришдан иборат.

Таклиф қилиш жараёнида икки нарсани эътиборга олиш керак:

1. 
   Ҳеч қачон (презентациядан олдин) таклиф қилинганлар билан бизнес, компания ва махсулотлар ҳақида гаплашманг! Сиз нотуғри ва тўлиқ бўлмаган маълумот бериб у кишининг нотўғри фикрлашига сабаб бўлишингиз мумкин. Нотўғри фикрдаги киши дўстингиз бўлса ҳам, ишдан бош тортади.
   
2. 
   Таклиф вақтида кишида бизнесга бўлган қизиқишини уйғотишингиз керак. Кейинчалик бизнесга бўлган мустаҳкам ишончингизни яққол кўрсатинг, фақат шу холда таклифингиз билан инсонлар қизиқиши мумкин.
   

Таклиф қилинадиган кишиларни икки гурухга ажратиш мумкин:
1- ГУРУХ: Энг яқин дўст ёки яқин қариндош, касбдошларни таклиф қилиш.
Сиз уларга шу тарзда гапирсангиз фойдалироқ бўлади: “Бир мунча вақтдан бери бир ажойиб бизнес билан шуғулланяпман ва яхши фойда кўряпман. Бу бизнесни сизга бирданига ёқиб қолишига кафолат бермайман. Лекин етарлича ғайрат кўрсатсангиз бу бизнесда яхши даромад олишингизга ишонаман.”
Бу сўзларингиздан кейин сизга шу мазмунда савол беришади: “У қандай бизнес? Мендан нима талаб қилинади? Тўлиқроқ маълумот бер.”
Сизнинг жавобингиз тахминан шундай бўлиши керак: “Азиз дўстим, бу жиддий масала. Сенга тушунтириш учун вақтимиз ҳам етмайди, бемалол гаплашадиган жойимиз ҳам йўқ. Агар қизиқсанг бир-икки соат вақтингни ажрат, сенга каталог ва ҳужжатлар ёрдамида бу бизнес ҳақида тўлиқ маълумот бераман.
Эътибор беринг: Иш ҳақида дўстингизга умуман маълумот берманг! Кўп илтимос қилишса, шундай дейишингиз мумкин: “Бизнесни тўлиқ тушунтиришим учун вақтимиз кам, олишингиз керак бўлган маълумот эса кўп. Ҳатто нимадан бошлашни ҳам билмайман. Шошилмасликни тавсия қиламан. Жиддий сухбат учун жиддий жой ва етарли вақт керак. Яхшиси, келинг, хозирча вақт ва жойни аниқлаб (белгилаб) олайлик.”

2- ГУРУХ: Сиздан каттароқ ёшда ёки баландроқ лавозимда бўлишса.

Агар дўстларингиз ва қариндошларингиз сиздан катта ёшда, бадавлатроқ ёки баландроқ лавозимда бўлсалар ушбу сухбат мақсадга мувофиқ бўлади:
“Яқинда бир бизнес билан танишдим. Менимча мароқли ва даромадли иш. Шахсан мен бу ишдан бахра оламан. Аммо бу ишда янада кўпроқ муваффақиятга эришиш учун ўзимдан каттароқ бир кишининг маслахати фойдали бўларди. Менга 1-2 соат вақт ажратинг, сизга каталог ва керакли ҳужжатлар ёрдамида тўлиқ маълумот берай. Менга сизнинг маслахатингиз зарур.