Бизнесни режалаштириш фанидан маърузалар матни Саманов А. А тош дту

Тадбиркорлик кўникмалари	+ / -
Изох
Техник кўникмалар
1	Бизнесни бошқариш кўникмалари
2	Фаолият соҳасини билиш
Шахсий тафсивлар
1	Садоқатлилик
2	Сабаб
3	Таввакал қилиш қобияти
4	Қарорлар қабул қилиш.
5	Оиладаги вазият.
6	Моддий аҳвол.

Кўникмалар. Ўз ишини бошлашдан олдин, бўлажак тадбиркор лозим бўлган қобилият ва кўникмаларга эга ёки эга эмаслигини таҳлил этиб кўриши керак. Қуйида бўлажак тадбиркор учун таҳлилнома саволлари қўйилади ва унга плюс ёки минус билан ҳақоний белгиланиши талаб этилади. Ишни олиб боришда у кучли ёки заиф томон эканлиги нуқтаи назаридан келиб чиқиб, ҳар бир кейинги қобилият ва кўникма тўғрисида ўйлаб кўриши мақсадга мувофиқ..
Техник кўникмалар. Махсулот ишлаб чиқариш ёки ҳизмат турларини тақдим этиб билиш учун керак бўлган амалий қобилият, техник кўникма сирасига киради. Масалан, агарда тадбиркор кийим тикиш билан шуғулланмоқчи бўлса, унда бичиш ва тикишни билиши керак. Машиналарни таъмирлаш устахонасини очиш учун уларни қисмларини созлашни билиши керак бўлади. Агарда тадбиркорда ушбу кўникмалар бўлмаса, техник кўникмалари минус билан баҳоланади.
Бизнесни бошқариш кўникмалари. Улар, ишни самарали олиб боришнинг асосий амалий кўникмаларидир. Албатта, бозорни ўрганиш муҳим, лекин, бизнесни бошқаришни бошқа соҳалари ишни муваффақияти учун ҳаётий заруратдир. Масалан, чиқимлар ҳажмини аниқлаш ва ҳисоб-китоб ишларини олиб бориш.
Фаолият соҳасини билиш. Баъзи бир фаолият соҳалари учун касбий тайёргарликка эга бўлиш шарт бўлса, бошқалари учун у асосий омиллардан бири бўлмайди. Шунга қарамасдан билимлар тадбиркорга ҳамиша ёрдам беради. Бозорни, рақобатчилларни ва хом-ашё, бошқа воситаларини етказиб берувчиларни билиши хатоларга йўл қўймасликка олиб келади.