Bobur kabi seving Vatanni

“Bobur kabi seving Vatanni” nomli tadbir ssenariysi
1-boshlovchi:
Kim ko’rubtur ey ko’ngul ahli jahondin yaxshiliq
Kimki ondin yaxshi yo’q ko’z tutma ondin yaxshiliq
Bu zamonni nafi qilsam ayb qilma ey rafiq
Ko’rmadim hargiz netayin bu zamondin yaxshiliq
2-boshlovchi:
Assalomu alaykum ilm-fan bog’ining bog’bonlari bo’lgan qalbi quyosh, mehri otash ustozlar!
1-boshlovchi:
Assalomu alaykum ilm-fan bog’ining gul-chechaklari bo’lgan aziz o’quvchilar!
2-boshlovchi:
Bugungi 8-A sinf o’quvchilarining millatimiz faxri bo’lgan buyuk ajdodimiz, shoh va shoir Zahiriddin Muhammad Bobur bobomiz tavalludining 540 yilligiga bag’ishlangan “Bobur kabi seving Vatanni” nomli tadbirimizga xush kelibsiz!!!
1-boshlovchi:
Tadbirni ochib berish uchun so’z maktab-internatimiz direktori Dilshodjon A’zamovga. Marhamat!
2-boshlovchi:
Dastlab Bobur hayotiga oid qisqacha ma’lumotlar bilan tanishamiz.
1-boshlovchi:
Endigi navbatni Bobur qalamiga mansub ruboiylarga beramiz marhamat.
2-boshlovchi:
Navbat Bobur hayotiga oid sahna ko’rinishiga.
1-boshlovchi:
Endi esa 8-A sinf qizlari ijrosidagi raqsni birgalikda tomosha qilamiz.