Бойсун туманидаги “Юқори Мачай” махалла фуқаролар йиғини раислигига номзод Поёнов Тожимурод Қурбонназаровичнинг иш

Бойсун туманидаги “Юқори Мачай” махалла фуқаролар йиғини раислигига номзод Поёнов Тожимурод Қурбонназаровичнинг иш
Д А С Т У Р И
Ассалому алейкум хурматли сайловчилар: Хурматли халқ вакиллари: Мен “Юқори Мачай” махалла фуқаролар йиғини раиси (оқсоқоли) лавозимига сайлансам қуйидаги ишларни амалга ошираман.

1. 
   “Фуқароларнинг ўзини ўзи бошқариш органлари тўғрисида“ги Ўзбекистон Республикаси қонунининг 14-моддасида белгилаб қўйилган ваколатларимдан фойдаланиб ушбу махаллада яшовчи барча фуқароларни ижтимоий-иқтисодий ахволини яхшилашга, худудни ободонлаштириш-кўкаламзорлаштириш, ахолининг турмуш шароитини яхшилашга бор кучим тажрибам ва билимимни ишга солиб халол хизмат қиламан.
   
2. 
   Махалла худудидаги ички йўлларни таъмирлатиб қишлоқни охиригача асвалт ётқизилишини ташкил этаман.
   
3. 
   Ичимлик сувидан мунтазам фойдаланишни йўлга қўяман.
   
4. 
   Кам даромадли оилаларни ижтимоий ахволини яхшилаш мақсадида тегишли банклар орқали имтиёзли кредит маблағлари билан таъминланишига кўмаклашаман.
   
5. 
   Ахолига тиббий хизмат кўрсатишни яхшилаш мақсадида юқори ташкилотлар билан биргаликда махалла марказида ахолига тиббий хизмат кўрсатиш пункти қурилишини охирига етказишни йўлга қўяман.
   
6. 
   Ахолини қишки мавсумда иситиш тизимини яхшилаш мақсадида арзон кўмир махсулотлари билан таъминланишига кўмаклашаман.
   
7. 
   Ёшларни пухта ва сифатли билим олишларини, соғлом рухда тарбияланишини яхшилаш мақсадида махалла худудида қурилиши бошланган болалар боғчаси, мактаблар, спорт заллари қурилишини тез фурсатда қурилиш ишларини охирига етказилишини йўлга қўяман.
   
8. 
   Алохи томарқа хўжалигидан самарали фойдаланишини йўлга қўйиш мақсадида ариқ ва гузарларни ўз вақтида хашар ташкил қилиб қоздириб мунтазам сув билан таъминланишини яхшилайман.
   
9. 
   Фуқароларни мурожаатларини қабул қилиб уларни ўз муддатида ўрганиб муаммоларини жойида ижобий хал қилишга кўмаклашаман.
   
10. 
    Ёшларни таълим тарбиясидан, одоб-ахлоқидан хабардор бўлиб махалла, мактаб , ота-оналар хамкорлигини йўлга қўяман.
    
11. 
    Ёшлар ва хотин-қизларни иш билан бандлигини таъминлаш мақсадида ёшлар етакчиси, хоким ёрдамчиси, хотин қизлар фаоли билан хамкорликда янги иш ўринлари барпо этиш, томарқа хўжалигидан самарали фойдаланиш ишларини ташкил этаман.
    
12. 
    Махалла гузарида сартарошхона, нонвойхона, пойафзал тузатиш устахонаси, тикувчилик цехи, компютер хизматлари биноларини қурдириб уларни ахолига мунтазам хизмат қилишларини йўлга қўяман.
    
13. 
    Кам даромадли оилалар, якка ёлғизлар, кекса нуронийлар холидан хабар олиб уларга моддий ва маънавий ёрдам бериш ишларини ташкил этаман.
    
14. 
    Худудда жиноятчилик ва хуқуқбузарликларни олдини олиш мақсадида участка профилактика инспектори ва оқсоқоллар билан хамкорликда ахоли ўртасида тушунтириш ва тарғибот ишларини мунтазам олиб боришни йўлга қўяман.
    
15. 
    Худудда яшовчи кекса нуроний отахон ва онахонларни маънавий рухлантириш мақсадида Республикамиздаги улуғ зиёратгохларни зиёрат қилдириб қадимий ва навқурон шахарларимизни томоша қилиб дам олишларини ташкил этаман.
    
16. 
    Ахолини иш билан таъминлаш хамда ижтимоий ахволини яхшилаш ақсадида туризм сохасини ривожлантиришни йўлга қўяман.
    

Хурматли халқ вакиллари: Ушбу юқоридаги барча вазифаларни хамда махалла фуқаролар йиғини раисининг ваколатларига кирадиган бошқа қилиниши лозим бўлган барча ишларни амалга ошириб сизлар билан елкадош бўлиб астойдил хизмат қиламан деб ишонтираман.
Номзод: Поёнов Тожимурод
18.08.2023-йил.