Bolalar infeksiyasi

Quyidagi faoliyatlar amalga oshiriladi: 1.Bemorlarni boksda qabul qilish, u aloxida tashqaridan kirish eshigiga ega bo‘lib, bola boshqa bemorlar bilan munosabatda bo‘lmaydi. 2.Bolaga shifoxonaga yo‘llanma berayotganda, xar xil infeksiyalarni shifoxonaga kirishini oldini olish uchun, bola oxirgi uch xaftada yuqumli kasallar bilan uyida, bog‘chada, maktabda muloqotda bo‘lgan bo‘lmaganligi aniqlanadi. 3.Bola ko‘rikdan o‘tib bo‘lgach hamshira bola tekkan buyum va mebellarni zararsizlantiradi. 4.Agar yuqumli kasallikka shubxa qilinsa yoki tashxis aniq bo‘lmasa bolani izolyatorga joylashtiriladi. 5.Bolada yuqumli kasalik aniqlanmasa bolani uyiga yoki yuqumli kasaliklar shifoxonasiga zud noma berib jo‘natadilar.

Qabulxona strukturasi: 1. Kutish xonasi 2. Ko’rish xonasi 3. Izolyator yoki boks xonasi 4. Muolaja qilish xonasi 5. Sanitariya ko’rigidan o’tqazish xonasi 6. Uy kiyimlarini saqlash uchun xona 7. Bo’lim mudiri xonasi 8. Katta hamshira xonasi 9. Xo’jalik bekasi xonasi

Bemorni sanitariya ko’rigidan o’tqazish quyidagilarni ko’zda tutadi: -Gigienik vanna, dush yoki bemorni axvoli og’ir bo’lsa iliq suv bilan badanini artish. - Keyin bemorga shifoxona kiyimini kiyintirib, vaznini tortib, bo’yini o’lchab aniqlash. - Juda og’ir bemorlarni sanitariya ko’rigidan o’tqazmasdan reanimatsiya bo’limiga olib borish. -Oyoq- qo’l tirnoqlarini olish. -Pedikulyozga tekshirish. Agar boshda bit bo’lsa unda tuman SES ga xabar berish.

Kasalxonaning asosiy vazifalari quyidagilardan iborat: • bolalar kasalliklarini, o'limini kamaytirish, ularning sog'lig’ini saqlashga qaratilgan profilaktik va epidemiyaga qarshi choratadbirlarni tashkil etish; • statsionarda, poliklinikada, uyda bolalarga malakali ixtisoslashgan tibbiy yordam ko'rsatish; • kasalxonaga yotqazilgan bolalarning onalariga tibbiy yordam ko'rsatish, bemor bolani parvarish qilish bo'yicha maslaxatlar berish; • bolalarga davolash-profilaktika xizmatining sifati va samarasini oshirish, bolalar kasalxonasining ish formasi va usullarini taraqqiy ettirish, takomillashtirish; • tibbiyot xodimlarining malakasi va ko'nikmalarini oshirishga qaratilgan tadbirlar o'tkazish.