Bolalar sporti asoslari

Internet saytlari
1. http://www.sport.ru
2. http://www.sport.com.
3. http://www.sport.uz.
4.www.lex.uz.
5.www.ziyonet.uz


Mavzu: Bolalar va o’smirlar tayyorgarligining tanlangan sport turidagi chuqurlashtirilgan mashg’ulot bosqichi


Reja
1. Tayyorgarlikning asosiy vazifalari
2. Sport texnika va taktikasining takomillashuv jarayoni
3. 17-18 yoshli o’smirlarni mashg’ulot


Tayyorgarlikning asosiy vazifalari
Sportning tanlangan turida chuqurlashtirilgan mashg’ulot bosqichi mashg’ulot yuklamalarining hajmi va intensivligini to`xtovsiz oshirilishi hamda jismoniy hislat, sport texnika va taktikasining takomillashuvi ustida yanada ixtisoslashgan mashqlarni bajarish va musobaqalarning tobora o`sib borayotgan sonida ishtirok etish bilan tavsiflanadi.
Mashg’ulot vazifalarini muvaffaqiyatli yechish maqsadida tanlangan sport faoliyatida zaruriy bo`lgan maxsus sifatlarni tarbiyalashga ko`maklashuvchi mashqlar kompleksi tanlanadi. Odatda, mashg’ulot vositalari yosh sportchi ixtisoslashgan sport turidagi asosiy musobaqa mashqi bilan bajarish shakli va xarakteri bo`yicha o`xshashlikka ega. Masalan, chidamlilikni namoyon qilishni talab qilgan sport turlarida jismoniy tayyorgarlik dasturida asosiy harakat ko`nikmasining shakllanishiga shug’ullanayotgan sportchi organizmining funksional imkoniyatlarini oshishiga sportning tanlangan turiga oid bo`lgan jismoniy hislatlarni tarbiyalashga ko`maklasha oladigan mashqlarni tanlab, ularni uzoq muddat va uzluksiz bajarish asosiy o`rinni egallaydi.
Maxsus jismoniy texnik va taktik tayyorgarlikning miqdori ahamiyatli darajada oshadi, ammo bu umumiy-jismoniy tayyorgarlik hisobiga emas, balki maxsus tayyorgarlikka ajratilgan vaqtning o`sishi tufayli erishiladi. Shunday qilib, mazkur bosqichda sport mashg’ulotining barcha o`ziga xos qonunlari yorqin, aniq namoyon bo`ladi. Mashg’ulot jarayoni chuqurlashtirilgan sport ixtisoslashuvining belgilariga ega bo`ladi.