Bolalarga erta tashxis qo’yish, abilitatsiyasi va rivojlanishi reja

Hayotining ikkinchi yilini yakunida bola o’yindan huzurlanadi. Nafaqat harakatlar, balki syujet bilan bog’liq kechinmalar yuzaga keladi. Bola ham harakatlarga, ham bu uning o’zi tashkil qilgan o’yinda sodir bo’layotganligidan quvonadi, dastlabki «yaxshi - yomon»ni farqlash qobiliyati shakllanadi.
Uch yoshida bolaning kechinmalari o’yinning syujet qismi bilan uzluksiz bog’liq, estetika hislari yaqqol namoyon bo’ladi. Bola musiqa xarakterini boshidan kechiradi: quvnoq va g’amgin, sokin va sho’x.
U taqinchoqlar, chiroyli kiyim, gullayotgan o’simliklarga quvonadi. Barcha yorqin va yaltiroq narsalar go’dakdagi kabi zavq hissini chaqiradi, lekin bola chiroylidan xunukni, uyg’unlashgan narsani uyg’unlashmagan narsadan farqlashga o’rganadi.
Kattalar hislarini ulashmaganida bolada nima sodir bo’ladi?
Kattalarning bolaga e’tiborli munosabatda bo’lmasligi uning ijtimoiy faolligini sezilarli darajada pasaytiradi: bola o’ziga yopiladi, harakatlarini cheklaydi, ishonchsizlik his qiladi, istalgan vaqtda yig’lash yoki tengdoshlariga jahlini sochishga tayyor turadi.
Kattalarning bolaga nisbatan salbiy munosabatda bo’lishi shunga o’xshash reaksiya hosil qiladi: u yoki kattalar bilan munosabatlarni tiklashga intiladi yoki o’ziga yopilib, muloqotga kirishmaslikka harakat qiladi.
Biz kattalar, ilk yoshli bolalar bilan hissiy muloqot yetarli bo’lmaganida ularda nafaqat hissiy, balki aqliy rivojlanishda kechikish kuzatilishi mumkinligini yodimizda tutishimiz lozim.
Talabalar uchun savollar

1. 
   Bolani rivojlanish ehtiyojlarini baholash ko’rsatkichlarini yoritib bering.
   
2. 
   Ota-onalarning qobiliyatlarini baholash ko’rsatkichlarini yoritib bering.
   
3. 
   Bola va oila ehtiyojlari nimalardan iborat?
   
4. 
   Bolaning rivojlanishi va abilitatsiyaga erta e’tibor berish zaruriyatini yoriting.