Bolalarni predmetlar shakli bilan tanishtirishni o'yinlar orqali o'rgatish xoliqova Yoqutxon Mirzakarim qizi

“Ovalni top”. 
Bolalar doira shaklida turadilar. Kartondan qirqilgan yoki tayyor figuralardan: doira, 
kvadrat, uchburchak, to‘g‘ri to‘rtburchak va oval shakllaridan 8 tasi aralashtirib qo‘yiladi. 
4ta bola doira ichiga chaqirilib, ko‘zlari ro‘mol bilan bog‘lanadi. Bolalar ko‘zlari bog‘liq 
holatda shakllar ichidan oval shaklini topib olishlari kerak. Qaysi bola ko‘proq oval shaklini 
to‘plasa, unga yulduzcha shaklidagi medalon mukofot sifatida beriladi. Bolalar navbat bilan 
4 tadan bo‘lib almashib o‘yinni davom ettiradilar. 
O‘yin: “Shakl yasa”. 
Tarbiyachi bolalarni 4 guruhga bo‘lib 4 joyga joylashtiradi. 1-guruhga 10 ta tayoqcha, 
2-guruhga 8 ta tayoqcha, 3-guruhga 6 ta tayoqcha, 4-guruhga 4ta tayoqcha beradi. Har bir 
guruh tarbiyachining topshirig`idan so‘ng oldidagi tayoqchalardan kvadrat shaklini yasaydi. 
Natijada to‘rt xil katta-kichik shakllar paydo bo‘ladi. Bolalarni to‘g‘ri yoki noto‘g‘ri 
bajarganliklari tekshirib chiqiladi. Guruhlar o‘rni o‘zgartirilib o‘yin yana shu shart bilan 
davom etadi. 
“Postlar qo‘yish” o‘yini 
Maqsad: O‘yin bolalarni dam olish daqiqasi uchun mos keladi va bolalarning 
geometrik shakllar to‘g‘risidagi tasavvurlarini mustahkamlaydi.O‘yinning borishi: Bolalar 
ketma-ket turib marsh qilib yuradi. Boshlovchi oldinga boradi. Boshlovchi qarsak chalib 
signal berganda oxirida ketayotgan bola to‘xtab qimirlamay postda turadi, qolganlari 
yurishda davom etadi. Mana shunday qilib boshlovchi hamma bolalarni o‘zi belgilangan 
tartibga postga qo‘yib chiqadi, natijada biror geometrik shakl hosil bo‘ladi ( katta va kichik 
kvadrat, uchburchak, doira va hakozo), so‘ng bolalardan ular qanday shakl yasaganlari 
so‘raladi. Oldin boshlovchi saylanadi va har bir bola boshlovchi bo‘lgunicha o‘yin davom 
etadi. Demak, 
shunday xulosa qilamiz: bolalarni yoshligidan geometrik figuralar shaklini turli xil o'yinli 
faoliyatlar bilan, qo‘liga ushlab ko‘rib, ular haqida eshitib, ko‘zlari bilan ko‘rib, bilimlarga 
ega bo'lishlari va to‘g‘ri xulosa chiqarishlariga o‘rgatishimiz kerak.