Bolalarning kun tartibiga gigiyenik talablar

BOLALARNING KUN TARTIBIGA GIGIYENIK TALABLAR.


Reja:
1. Bolalar kun tartibining gigiyenik qoidalari.
2. Bolalar kun tartibi quyidagicha bo‘lishi tavsiya etiladi:
3. Tanani parvarish qilish.
4. Oyoqlarni parvarish qilish.
5. Epidermofitiya
6. Terining yiringli kasalliklari (piodermiya).
7. Og‘iz bo‘shlig‘i va tishlar parvarishi.
8. Bolalarning kiyimi va poyabzali gigiyenasi.
9. Kiyimning issiqlik o‘tkazuvchanlik xususiyati.
10. Kiyimning gigroskoplik xususiyati
11.Kiyimning elektr statiklik xususiyati
12. Kiyimning zararsizlanuvchanlik xususiyati.
13. Kiyimning silliqligi va vazni –
14.Bolalarning poyabzali.

Tayanch so’z va iboralar:
Bolalar kun tartibi. Tanani parvarish qilish. Oyoqlarni parvarish qilish. Epidermofitiya. Terining yiringli kasalliklari (piodermiya). Og‘iz bo‘shlig‘i va tishlar parvarishi. Bolalarning kiyimi va poyabzali. Kiyimning issiqlik o‘tkazuvchanligi. Kiyimning gigroskopik xususiyati. Kiyimning elektr statiklik xususiyati. Kiyimning zararsizlanuvchanlik xususiyati. Bolalarning poyabzali.


Bolalar kun tartibining gigiyenik qoidalari.
Bolalar kun tartibining gigiyenik qoida va talablar asosida tashkil etilishi trenirovka mashqlarini belgilangan vaqtda bajarishga, o‘z vaqtida ovqatlanish va dam olishga organizmni moslashtiradi. Ya’ni har bir ishni bajarish, ovqatlanish, dam olish, uxlash vaqtiga nisbatan odamda shartli refleks hosil bo‘lib, dinamik stereotip shakllanadi. Buning natijasida vaqt tejaladi, sport mashqlari aniq belgilangan vaqtda bajariladi, ovqatlanish va dam olish me’yorida bo‘ladi, sog‘liq mustahkamlanadi, organizm charchamaydi, faoliyat samaradorligi ortadi.
Gigiyena fani qoidasi va talablari asosida tuzilgan kun tartibiga amal qilish sportchining intizomli bo‘lishiga, ma’suliyatni to‘liq his etishiga, uning ma’naviy va axloqiy jihatdan yuksalishiga zamin yaratadi.