Boshqa sanoat sohalarda raqamli transformatsiya

Kiber fizik tizimlarni joriy etish yuqori sifatli tovarlarni arzon narxlarda olishning yanada samarali, moslashuvchan va tezkor usullarini o'rnatishga imkon beradi, bu esa iqtisodiyotning o'sishini, malakali ish o'rinlarini ta'minlaydi va pirovardida kompaniyalar va mintaqalarning raqobatbardoshligini o'zgartiradi. Kiber fizik tizimlar joriy qilingan zavodlarga misol qilib, quyidagilarni keltirish mumkin: Toledodagi Chrysler zavodi. Bu erda har kuni 700 dan ortiq Jeep Wrangler korpusi ishlab chiqariladi.

Bu ishlab chiqarish jarayoniga 259 ta nemis KUKA robotlari kiradi, ular 60 ming boshqa qurilmalar va dastgohlar bilan "muloqot" qiladi.Ma'lumot almashish va saqlash bulutli texnologiyalar yordamida tashkil etilgan. Zamonaviy kompyuterlashtirilgan yechimlar individual buyurtmalarni bajarish asosida ommaviy sanoat ishlab chiqarishining mahsuldorligi va moslashuvchanligini sezilarli darajada oshirish imkonini berdi.

Aqlli sanoat Aqlli ishlab chiqarishning an'anaviy ishlab chiqarishdan farqi - mahsulot ishlab chiqarish va yetkazib berishning barcha bosqichlarida tarmoq axborot texnologiyalari va kiberfizik tizimlarning eng intensiv va keng qamrovli qo'llanilishidir.

Kiber fizik tizimlar barcha elementlar (resurslar, dastgohlar, montaj liniyalari, omborlar, logistika, marketing va boshqa modullar) bir aloqa tarmog'iga birlashtirilgan aqlli ishlab chiqarish tizimlarining shakllanishiga olib keladi – ular bir-birlari bilan ma'lumot almashishlari, muayyan harakatlarni boshlashlari va inson aralashuvisiz birbirlarini mustaqil boshqarishlari mumkin. Bu ishlab chiqarish jarayonining barcha bosqichlarida keskin yaxshilanishlarni amalga oshirish, ishlab chiqarish xarajatlarini keskin kamaytirish, ta'minot zanjiri boshqaruvini optimallashtirish va iste'molchilarning har qanday yangi talablariga moslashuvchan javob berish imkonini beradi.

Aqlli qishloq xo’jaligi Yangi elektron texnika, axborot texnologiyalari axborot texnologiyalaridan foydalangan holda strategik boshqaruvni qo'llash, qishloq xo'jaligi ishlab chiqarishi, bozor, moliya va odamlar bilan bog'liq qarorlar qabul qilish uchun turli manbalardan olingan ma'lumotlarni olish kabi aqlli qishloq xo'jaligini rivojlantirish imkoniyatlarini ochib beradi.