Бу организм туқималарининг яллиғланиши билан кечадиган иммун реакциядир

АНТИГИСТАМИН ПРЕПАРАТЛАР.
Аллергик касалликларни даволашда антигистамин препаратлар асосий ҳисобланади. Уларнинг таъсир механизми тўйинган хужайралардан ва базофиллардан ажралувчи гистаминнинг патологик таъсири олдини олишга асосланган.
Ҳозирги вақтда барча антигистамин препаратлар икки гуруҳга бўлинади. Биринчи авлод антигистамин препаратлари сезиларли седатив ва қисқа терапевтик таъсирга эга. Улардан узоқ фойдаланилганда кўникиш юзага келади. Иккинчи авлод антигистамин препаратлари камроқ седатив самарага ва баъзан эга эмасликка, узок терапевтик таъсирга (24 соат мобайнида), узоқ фойдаланилганда кўникиш ҳусусиятларини йўқлиги билан характерланади. Касблар бўйича диққат-эътиборини, аниқ хулоса чиқаришни, тезда фикр жамлашни талаб этадиган беморларга седатив таъсири сезиларли самарадорликка эга бўлган антигистамин
препаратларни кўллаш чекланади. Бундан ташкари антигистамин препаратлар организмда алкоголнинг таъсирини кучайтиради. Уларнинг кўпчилиги антимускарин самарага эга бўлганлиги учун клиникада шиллиқ қаватларнинг қуруқлиги ва бошқа белгиларни намоён этади. Биринчи авлод антигистамин препаратларини эпилепсия, простата бези гипертрофияси, глаукома, жигарнинг огир шикастланишида эҳтиёткорлик билан кўллаш керак. Антигистамин препаратларнинг биринчи авлоди порфирия касаллиги билан оғриган беморларга тавсия этилмайди.

АНТИГИСТАМИН ПРЕПАРАТЛАР БИРИНЧИ АВЛОДИ.

СУПРАСТИН 0,025 г таб, 2% - 1мл амп.Тез таъсир доираси 4-6 соатгача.
Ножўя таъсири: уйқучанлик, бош айланиш, диққат – эътибори сусайиши , оғиз қуриши, кўнгил айниши, баъзида қоринда оғриғ.
Монеъликлар: ҳомиладорлик, лактация, глаукома, простата бези гипертрофияси, пешоб тутилиши, ошқозон яра касаллиги, бир вақтнинг ўзида МАО ингибиторларини кўллаш, препаратга ёки этилендиаминги сезувчанлиги юқорилиги.

ТАВЕГИЛ 0,001 г таб, 2мл амп.Таъсир доираси 10-12 соат.

НТ: чарчаш ҳисси, тинчлантирувчи таъсир, оғиз қуриш, бош оғриғи, бош айланиши , кўнгил айниши , ошқозон сохасида огрик , кабзият, кам холларда тери тошмалари .

М: препаратларга юкори сезувчанлик , 1 ёшгача булган давр, глаукома, ошкозон яра стенози, аденома, пешоб тутилиши, хомиладорлик ва эмизиклик давр.