Буйрықты орынламаў

Жаўынгер жағдай дегенде, қураллы соқлығысыў ямаса әскерий бөлиндиниң душпан менен сондай соқлығысыў қәуипи менен характерлениўши оператив жағдай түсиниледи. Ол урыс ўақтында да, тынышлық ўақтында да жүзеге келиўи мүмкин. Тыныш ўақыттағы әскерий жағдай Өзбекстан Республикасы аймағының пүтинлиги ҳәм қол қатылмаслығына қарсы жөнелтирилген мәмлекетлик емес әскерий шөлкемлериниң қураллы ҳәрекетлери ўақтында жүзеге келиўи мүмкин. Мысалы, бул шет мәмлекет тәрепинен, усы мәмлекетке тийисли болмаған бийгана қуралланған бөлимлердиң, аймақтың қандайда -бир бөлегинде қадағалаў орнатыў ямаса сепаратизмға көмеклесиў мақсетинде мәмлекетке кирип келиўи көринисинде болыўы мүмкин.
Әскерий жынаятлардың субйекти Өзбекстан Республикасы Қорғаў министрлигиниң, Мәмлекет қаўипсизлик хызметиниң, Өзбекстан Республикасы Президенти мәмлекет қаўипсизлик хызметиниң, Миллий гвардиясининг, Айрықша жағдайлар министрлигиниң, Ишки жумыслар министрлиги әскерлериниң ҳәм нызамшылыққа муўапық шөлкемлестириледиған басқа әскерий структуралардың әскерий хизметкерлери, соның менен бирге оқыў жыйынларды өтип атырған әскерий хызметке мәжбүр шахслар болыўы мүмкин.