Burchaklar metodi

Tezkor savol-javob o’yini “28ga28”

Bu o’yinda o’qituvchining 28 ta savoliga o’quvchi 28 ta javobni 3 minut vaqt ichida lotin yozuviga asoslangan o’zbek alifbosi tartibidagi so’z yoki harflar bilan berishi shart.

1. Suyuqlik zichligini o’lchovchi asbob - Areometr

2. Atmosfera bosimini o’lchovchi asbob – Barometr

3. Kuchni o’lchovchi asbob – Dinamometr

4. Qanday tebranishlar so’nuvchi bo’ladi – Erkin

5. Kuch qanday harf bilan belgilanadi – F

6. Erkin tushish tezlanishini aniqlagan olim – Galiley

7. Kub qirrasi uzunligini 2 marta o’zaro ko’paytirilsa, uning qanday kattaligi topiladi – hajmi

8. Qanday harakatda, jismga o’tkazilgan ixtiyoriy to’g’ri chiziq, o’z-o’ziga parallel ko’chadi – ilgarilanma harakatda

9. Ish va energiyaning o’lchov birligi – Joul

10. Absolyut temperaturaning o’lchov birligi – Kelvin

11. Induksion tokning yo’nalishini aniqlagan olim – Lens

12. Tebranuvchi jism qanday ataladi – mayatnik

13. Butun olam tortishish qonunini aniqlagan olim – Nyuton

14. Yorug’lik hodisalarini o’rganuvchi fizikaning bo’limi – Optika

15. Bosim qanday harf bilan belgilanadi? – P

16. Harakatda havoning to’sqinlik qiluvchi kuchi – qarshilik

17. Zanjirdagi tok kuchini rostlovchi asbob – reostat

18. Vaqtni o’lchovchi asbob – soat, sekundomer

19. Tebranish davri qaysi harf bilan belgilanadi – T

20. Elektr kuchlanish qaysi harf bilan belgilanadi – U

21. Elektr tokining quvvatini o’lchovchi asbob – vattmetr

22. Inglizchada “iks” o’zbekchada – x

23. Jism harakat trayektoriyasi uzunligi – yo’l

24. Oq yorug’lik spektrida qizil va sariq ranglari orasidagi rang – zarg’aldoq

25. Elektromagnitdagi sim o’ramlaridan tashqari ikkinchi asosiy qismi – o’zak

26. Magnit maydoni hosil qiluvchi simli o’ram – g’altak

27. Eng ko’p ishlatiladigan universal laboratoriya asbobi – shtativ

28. Neytronni kashf qilgan olim – Chedvik.

“Anogramma” o’yini

Bu o’yinda o’quvchiga berilayotgan so’zlar faqat biror hodisa, mavzu asosida yoki boshqa biror jihatlari bilan umumiy xususiyatga ega bo’lib, ular ichida faqat bittasi “begona” bo’ladi. O’quvchi ana shu so’zni aniqlay olishi va javobini izohlay olishi kerak. Anogrammalarda misollar:

1. Galiley, Nyuton, Paskal, Torrichelli, Rezerford

Javob: Rezerford – chunki, u mexanika bilan shug’ullamagan.

2. Detsi, santi, milli, mikro, nano, piko, kilo

Javob: kilo – chunki, bu o’nga karrali bo’lgan sonni, (1000 ni), anglatuvchi old qo’shimcha.

3. Voltmetr, Ampermetr, Vattmetr, Dinamometr, Potensiometr, Reostat, Rezistor

Javob: Dinamometr – chunki u elektr asbobi emas.

4. Qizil, zarg’aldoq, sariq, oq, yashil, havorang, ko’k, binafsha

Javob: Oq – chunki oq rang spektrni hosil qilsada, o’zi spektr tarkibiga kirmaydi.

5. Kinetik, potensial, ichki, tashqi, mexanik, issiqlik, elektr, yorug’lik, yadro

Javob: tashqi chunki, fizikada “tashqi energiya” tushunchasi yo’q. Qolgan so’zlar energiyaning turli ko’rinishlarini ifodalayapti.