Buxgalteriya hisobi va audit (tarmoqlar bo’yicha) Bakalavriat ta’lim yo‘nalishi kunduzgi shakl II kurs talabalari uchun Termiz 2022

Asosiy vositalar va nomoddiy aktivlar hisobi
Asosiy vositalarni turkumlash va ularning inventar hisobi bilan tanishish. Asosiy vositalar va nomoddiy aktivlar hisobi bo‘yicha qo‘llaniladigan barcha boshlang‘ich hujjatlar bilan tanishishi, ularni yig‘ishi, ularga xarakteristika berish, shu bilan bir qatorda ushbu mavzu bo‘yicha hisobotda quyidagi boshlang‘ich hujjatlarning to‘lg‘azish tartibi, ularni umumlashtirilishini yozish kerak.
- asosiy vositalarni va nomoddiy aktivlarni qabul qilish dalolatnomasi.
- asosiy vositalarni ichki joylashtirish nakladnoyi.
- asosiy vositalarni va nomoddiy aktivlarni xo‘jalikdan chiqarish, tugatish dalolatnomasi.
- asosiy vositalar hisobi inventar kartochkalari.
- asosiy vositalar hisobining inventar daftari.
- asosiy vositalar hisobi inventar kartochkalar ro‘yxati.
- asosiy vositalarga va nomoddiy aktivlarga amartizatsiya hisoblash jadvali.
Asosiy vositalar va nomoddiy aktivlar tasnifi va baholash jarayoni bilan tanishish. Asosiy vositalarning sintetik va analitik hisobi. Asosiy vositalar hisobida qo‘llaniladigan jurnal order shaklida ilova qilinadi.
Agarda talaba qishloq xo‘jaligi korxonalarida, savdo tashkilotlarida, qo‘shma korxonalarida amaliyot o‘tasa ularning xususiyatlarini albatta yozish kerak.
Yuqoridagi har bir boshlang‘ich hujjat ma’lumotlaridan foydalanib buxgalteriya provodkalari berilsin, uning mazmunlari to‘la yozilsin. Asosiy vositalar va nomoddiy aktivlarni qayta baholash jarayoni bilan tanishsin.
Moliyaviy qo‘yilmalar hisobi
Moliyaviy qo‘yilmaning tarkibi va uning tuzilishi. Moliyaviy qo‘yilmalar, ularning ahamiyati, turlari va maqsadi. Boshqa xo‘jalik yurituvchi subyektlarning aktsiyalariga investitsiya qilish. Aktsiyalarni sotib olish va baholash. Aktsiyalarni sotish. Daromadlar(divident)ni hisobga olish. Qimmatli qog‘ozlar bozoridagi aktsiyalar kotirovka(baho)sidan ko‘riladigan foyda va zararni hisobga olish.
Obligatsiyalarga investitsiya qilish. Obligatsiyalarni sotib olish, nominal qiymati va sotib olish bahosi o‘rtasidagi farqning qoplanishi, daromadlarni hisobga olish va obligatsiyalarni sotish.
Boshqa xo‘jalik yurituvchi subyektlarning kapitaliga mablag‘ qo‘yish va mulkni baholash tartibini o‘rganish.
Investitsiya faoliyati bo‘yicha statistik hisobotlarni taqdim etish.