Ayiruv bog‘lovchilari. Gap boʻlaklari, shuningdek, qoʻshma gap
tarkibidagi gaplar bildirgan narsa-hodisalardan biri boʻlishini yoki ular
galma-gal boʻlishini koʻrsatish yoʻli bilan ularni bir-biriga bogʻlash
uchun xizmat qiluvchi bogʻlovchilar: yo..., yoki; yo..., yo...; goh..., goh..., ba’zan..., ba’zan... kabilar: Goh supa chetiga ekilgan rayhon hidi dimoqqa urilar, goh tom orqasidagi yoʻngʻichqazorda hasharotlarning bir qiyomda chirillashi e’tiborni tortar edi. (P.
Qodirov) Goh kulib, goh kuldiradi.(Shuhrat)
Ayiruv-chegaralov yuklamalari. O‘zi aloqador boʻlgan gap boʻ-
lagi bildirgan narsa-hodisa, harakat kabilarni boshqasidan ajratib,
chegaralab koʻrsatuvchi yuklamalar. Masalan, faqat, -gina kabi:
Hayotni qiyinchiliklar, muammolar oldida yengilmas kishilargina rivojlantira oladilar. (O. Mo‘minov) Faqat oʻshalargina gunohingdan kecha oladi. (A. Muxtor)
B Bajaruvchi shaxs. Harakatni bajaruvchi shaxs, subekt, agens.
Belgilash olmoshlari. Shaxs-predmet, uning belgisi, soni
xususiyatlarini jamlab yoki ajratib koʻrsatuvchi (shu tarzda
belgilovchi) olmoshlar: hamma, barcha, har, har narsa, har qaysi, har qancha kabilar.
Belgili. Affiks qatnashgan: Belgili qaratqich kelishigi. Belili tushum kelishigi. qiyos. belgisiz.
