287. Tez buziladigan ashyoviy dalillarni ko`zdan kechirish.
93-modda. Tez buziladigan ashyoviy dalillarni ko‘zdan kechirish
Sud dalillarni sudga olib kelish imkoniyati bo‘lmagan yoki qiyin bo‘lgan, shuningdek ashyoviy dalillar tez buziladigan hollarda, ularni ko‘zdan kechirishini va tekshirishini ular joylashgan erda amalga oshirishi mumkin.
Oziq-ovqatlar va tez buziladigan boshqa ashyolar ishda ishtirok etuvchi shaxslarni xabardor qilgan holda, sud tomonidan darhol ko‘zdan kechiriladi. Bunday ashyolar ko‘zdan kechirilganidan keyin kimdan olingan bo‘lsa, o‘sha shaxslarga qaytariladi yoki ulardan o‘z o‘rnida foydalanishi mumkin bo‘lgan boshqa shaxslarga beriladi. Ashyolar boshqa shaxslarga berilgan taqdirda, ularning egasiga o‘sha xildagi va sifatdagi buyumlar yoki ularning qaytarish paytidagi bahosi bo‘yicha qiymati qaytarib berilishi kerak.
Zarur hollarda, dalillarni ko‘zdan kechirish va tekshirishda ishtirok etish uchun odil sudlovni amalga oshirishga ko‘maklashuvchi shaxslar chaqirilishi mumkin.
288. Turdosh sudlovlilik.
Fuqarolik protsessual qonunchilik sudlovga taalluqlilikning quyidagi ikki turini belgilaydi:
• turdosh;
• hududiy.
Turdosh sudlovlilik deganda, sudlarga taalluqli bo‘lgan fuqarolik ishlarining ijtimoiy ahamiyati, murakkablik darajasi va subyektlar tarkibiga qarab fuqarolik ishlari bo‘yicha sudlar o‘rtasida taqsimlanishini tushunish lozim.
Turdosh sudlovlilik qoidalarini belgilashda ko'riladigan ishning turi, nizoning predmeti nimadan iborat bo‘lishi va taraflarning kimlar ho‘lishiga qaraladi. Turdosh sudlovlilik qoidalarini belgilashdagi mazkur mezonlarga qo‘shimcha sifatida huquqiy munosabatni tartibga soluvchi moddiy huquq normasida belgilangan xususiyatlar, ularning ijtimoiy-iqtisodiy va siyosiy ahamiyat kasb etishini ham ta'kidlash o‘rinli bo‘ladi.
289. Turdosh va hududiy sudlovlik.
Fuqarolik protsessual qonunchilik sudlovga taalluqlilikning quyidagi ikki turini belgilaydi:
• turdosh;
• hududiy.
Do'stlaringiz bilan baham: |
