C# da Satrlar C# tili Unicode

Satrni katta va kichik belgilarga aylantirish. Satrni katta va kichik harflarga aylantirish uchun mos ravishda ToUpper() va ToLower() funksiyalari ishlatiladi:
string hello = "Hello World!";
Console.WriteLine(hello.ToLower()); // hello world!
Console.WriteLine(hello.ToUpper()); // HELLO WORLD!

4.11. Satrlar bilan ishlash. Satrli massivlar

Dasturlashning kunlik masalalarini yechish nuqtai-nazaridan C# da string ma’lumotlar turi juda muhimlaridan biri hisoblanadi. Ko‘pchilik dasturlash tillarida satr – bu simvollar massividir, ammo C# da satr obyekt bo‘lib sanaladi. Shunday ekan, string ma’lumotlar turi C# da havolali (ссылкали) tur (tip) sanaladi.

Masalan, quyidagi operatorda:
Console.WriteLine ("C# da satrlar obyektlar hisoblanadi");
C# da satrlar obyektlar sanaladi va avtomatik tarzda string turi obyektiga aylanadi. Binobarin, yuqoridagi dasturlarda string sinfidan uncha aniq foydalanilmagan. Bu paragrafda bunday ma’lumotlar bilan qanday qilib aniq amallar bajarish haqida to‘xtalamiz. Ammo string sinfi yetarlicha katta, shuning uchun bu yerda faqat uning asosiy xususiyatlari qarab chiqiladi.
String sinfi obyektlarini yaratish. String turi obyektlarni yaratishning eng oddiy usuli bo‘lib, satrli literaldan foydalanish hisoblanadi. Masalan, quyida ko‘rsatilgan operatorda o‘zgaruvchi str o‘zgaruvchi havolali string tipi sanaladi, unda satrli literal havola hosil bo‘ladi.
string str = "Bu satrli literal";
Bu holda o‘zgaruvchi str simvolli ketma-ketlikda initsiallashadi. Bu satrli literal. Shuningdek string tipi obyektini char tipi massividan foydalanib ham yaratishimiz mumkin. Masalan,
char [] str = {'t', 'e', 's', 't'};
string str = new string (str);
string turi obyektini yaratgandan so‘ng, undan dasturingizni istalgan joyida foydalanishingiz mumkin. Masalan, string turi obyektini navbatdagi dasturda ko‘rsatilganidek WriteLine () metodining argumenti sifatida ishlatish mumkin.
// Dasturda string turi obektlarini yaratish namoyish etiladi.
static void Main(string[] args)
{
char [] ch_array = {'B','u',' ','s','a','t','r','.'};
string str1 = new string (ch_array);
string str2 = "Yana bitta satr.";
Console.WriteLine (str1);
Console.WriteLine (str2);
Console.ReadLine();
}
Ushbu dasturda ishlash natijasida quyidagi qatorlar hosil bo‘ladi:
Bu satr.
Yana bitta satr.