Chizma chizishdagi aniqlik shartlari

Ikkinchi chorakda joylashgan nuqtaning chizmasi. Fazoda berilgan B nuqtaning (3.7- rasm) 
proeksiyalarini yasash uchun bu nuqtadan H va V tekisliklarga perpendikulyarlar o‘tkazamiz, bu 
perpendikulyarlarning proeksiyalar tekisliklari bilan kesishgan B’ va B” asoslari B nuqtaning 
gorizontal va frontal proeksiyalari bo‘ladi. B nuqtaning chizmasini tuzish uchun H tekislikni 3.8-
rasmda ko‘rsatilganidek V tekislikka jipslashtiramiz. B nuqtaning B” frontal proeksiyasining vaziyati 
o‘zgarmay qoladi. Uning B’ gorizontal proeksiyasi esa H tekislik bilan Vtekislikka jipslashadi va Ox 
o‘qiga perpendikulyar bo‘lgan, chiziqda bo‘ladi (3.9-rasm). 
3.7-rasm 3.8-rasm 3.9-rasm 

---

Demak, II chorakda joylashgan har qanday nuqtaning gorizontal va frontal proeksiyalari Ox o‘qiga 
perpendikulyar bo‘lgan bir bog‘lovchi chiziqda va Ox o‘qining yuqorisida joylashadi. 
Uchinchi chorakda joylashgan nuqtaning chizmasi. Fazodagi C nuqta III chorakda joylashgan 
(3.10-rasm). Bu nuqtaning gorizontal va frontal proeksiyalarini yasash uchun H va V tekisliklarga 
perpendikulyar tushiramiz. Bu perpendikulyarlarning H va V tekisliklardagi C’ va C” asoslari C 
nuqtaning gorizontal va frontal proeksiyalari bo‘ladi. Nuqtaning epyurini yasash uchun H tekislikni 
qabul qilingan qoidaga muvofiq V tekislikning davomi bilan jipslashtiramiz (3.11-rasm). Bunda H 
tekislik yuqorida joylashadi. C nuqtaning C” frontal proeksiyasi V tekislikda bo‘lgani uchun vaziyati 
o‘zgarmay qoladi, C’ gorizontal proeksiyasi esa H tekislik bilan birga V tekislikka jipslashadi va 3.12-
rasmda ko‘rsatilgan vaziyatni egallaydi. 
3.10-rasm 3.11-rasm 3.12-rasm 
Demak, III chorakda joylashgan har qanday nuqtaning gorizontal proeksiyasi Ox o‘qining 
yuqorisida, frontal proeksiyasi esa uning ostida, Ox o‘qiga perpendikulyar bo‘lgan bir bog‘lovchi 
chiziqda joylashadi.