Chizma qurollari

2. Ingichka tutash chiziq – ustiga qo‘yilgan kesim konturining chiziqlari, 
o‘lcham va chiqarish chiziqlari, chetga chiqarish chiziqlari, yondosh detallarni 
tasvirlash chiziqlari, ko‘rinishlar, qirqimlar va kesimlarda chiqarish elementlarini 
chegaralash chiziqlarini chizishda foydalaniladi. Ingichka chiziq qalinligi S/3 dan 
S/2gacha.
3. To‘lqinsimon tutash chiziq - chizilgan buyum to‘liq berilmasa, uzilish 
chiziqlarini tasvirlash uchun, ko‘rinish va qirqimlarni ajratish chiziqlarini chizishda 
ishlatiladi. To‘lqinsimon tutash chiziq qalinligi S/3 dan S/2 gacha. 
4. Shtrix chiziq - obyektning ko‘rinmas konturlarini tasvirlash uchun 
ishlatiladi. Shtrix chizig‘ining qalinligi s/3 dan s/2 gacha olinadi. Shtrix chizig‘ining 
uzunligi 2...8 mm va shtrixlar orasidagi masofa 1 ... 2 mm. 
Agar chizilgan shtrix chiziqlar turli yo‘nalishlarda joylashgan bo‘lsa, u holda 
ular kesishmasligi kerak.
5. Ingichka shtrix-punktir chiziq - O‘q va simmetriya chiziqlarini, ustiga 
qo‘yilgan yoki chetga chiqarilgan kesimlar uchun simmetriya o‘qi bo‘lgan 
kesimlarning chiziqlarini tasvirlash uchun ishlatiladi. Ingichka shtrix-punktir chiziq 
uzun ingichka shtrixlar va ularning orasidagi qisqa shtrixlardan (nuqtalardan) iborat. 
Ingichka shtrix-punktir chiziq uzunligi 5 ... 30 mm va ular orasidagi masofa 3...5 mm. 
Ushbu chiziqning qalinligi S/3 dan S/2 gacha. Shuni esda tutish kerakki, aylananing 
markazida nuqta emas, balki ikkita kesishgan shtrixlar tasvirlangan bo‘lishi kerak. 

---

Agar aylananing diametri 12 mm dan kam bo‘lsa, markaz chiziqlari ingichka butun 
holatda ko‘rsatiladi.
6. Yo‘g‘on shtrix punktir chiziq – Yuzalarning qoplanadigan yoki termik 
ishlov beriladigan ko‘rinishlarni belgilovchi chiziqlar, kesuvchi tekislik oldida 
joylashgan elementlarni tasvirlash chiziqlarini (ustiga chizilgan proyeksiya) 
ko‘rsatadi. Ushbu chiziqning uzunligi 3...8 mm va ular orasidagi masofa 3...4 mm. 
chiziqning qalinligi S/2 dan 2/3S.