Daimler ag

Daimler AG

Daimler AG
Daimler AG (yoki Daimler-Benz, DaimlerChrysler) — shtab-kvartirasi Shtutgart (Baden-Vyurtemberg, Germaniya) shahrida joylashgan transmilliy avtomobil konserni. Aylanmasi boʻyicha eng yirik Germaniya kompaniyasi (2006-yil natijalariga koʻra).
Konsern Daimler-Benz AG sifatida 1926-yilda ikki kompaniyalar: Daimler Motoren Gesellschaft va Benz & Ciening birlashishi natijasida tashkil etilgan. 1998-yilda kompaniya Chrysler guruhini sotib oldi va oʻz nomini DaimlerChrysler AG ga
oʻzgartirdi. Chrysler aksiyalarini Cerberus Capital Management investitsiya fondiga qayta sotgandan keyin, bu safar Daimler AG sifatida qayta nomlandi.

Daimler AG

• Guruhning bozor kapitallashuvi taxminan 67,4 milliard yevroni tashkil qiladi
• 2016 yilda guruh daromadi 99,4 milliard yevroni tashkil etdi
• Barcha bo'linmalar bo'yicha taxminan 2,1 million avtomobil sotilgan
• Guruhda 272 382 kishi ishlaydi
• Konsern dunyoning 17 mamlakatida yig'ish zavodlariga ega

Faoliyati
Hozirgi kunda Daimler AG quyidagi kompaniyalarning aksiyalariga egalik qiladi:
100 % „Daimler Trucks“ — yuk mashinalari-ishlab chiqarish
85,0 % Mitsubishi Fuso Truck and Bus Corporation
Bir 50.1 % Automotive Fuel Cell Cooperation
22.4 % European Aeronautic Defence and Space Company (EADS)
22,3 % Tognum AG
15,0 % KAMAZ
10,0 % Tesla Motors
7.0 % Tata Motors Ltd
3.1 % Renault-Nissan alyansi
Tarixi
Kompaniyaning tarixi 1885-1886-yillarda, Gottlieb Daimler yengil va ixcham ichki yonish dvigatelini ishlab chiqqandan soʻng boshlanadi, uni dunyodagi birinchi Daimler Reitwagen mototsikliga oʻrnatgan va Karl Benz dunyodagi birinchi „benzin dvigatelli uch gʻildirakli aravachani“ patentlagan. Keyinchalik, 1926-yilda ikkita mustaqil kompaniya Daimler-Motoren-Gesellschaft va Benz & Cie. yagona — Daimler-Benz AG kontsernga birlashtirilgan .
DaimlerChrysler AG konserni 1998-yil noyabr oyida Daimler-Benz AG tomonidan AQSH avtomobil sanoatining „Katta uchlik“ tarkibiga kiruvchi — Chrysler LLC korporatsiyasining sotib olinishi natijasida tashkil etilgan.