Darslik Mutaxassisliklar

Baholash- ta’lim jarayonining ma’lum bosqichida o’quv maqsadlariga erishganlik darajasini oldindan belgilangan me’zonlar asosida o’lchash, natijalarni aniqlash va tahlil qilishdan iborat jarayon.
Bilim - kishilarning turmushdagi narsa va hodisalar to’g’risidagi, tabiat va jamiyatning rivojlanish qonunlari haqidagi tasavvur hamda tushunchalari tushuniladi.
Ilmiy bilim — tizimli, asosli va narsa, hodisalar mohiyatiga chuqur kirib boradigan bilishni nazarda tutadi.
Empirik bilim — bilishning kuzatish, o’lchash, tajriba usullarini qo’llash natijasi.
Nazariy bilim — empirik holatlarni tasvirlash, tushuntiruv, ya’ni narsa-hodisalar mohiyatini bilish imkonini beradigan qonunlarni ochishni nazarda tutadi.
Bilish — ob’ektiv borlikning ongda aks etishining oliy shakli, haqiqiy bilimlar hosil qilish jarayoni.
Hissiy bilish — sezgilar, idrok, tasavvur orqali.
Ratsional bilish — tushunchalar, mulohazalar, aqliy xulosalardan o’tib nazariyalarda o’rin oladi.
Verbal - ifodali, og’zaki.
Didaktika-grekcha «didakshiuen» so’zidan olingan bo’lib, o’qitaman, o’qishni o’rgataman ma’nolarini anglatadi. Didaktika o’qitish jarayonini shakllari, metodlari, tamoyillari, mazmuni, vazifasi va maqsadlarini ishlab chiqadi.