Darslik ташкент Mualliflar jamoasi

Muolaja. Qovuqni yuvish
Ko’rsatmalar: qovuq funksiyasi buzilishi, dori preparatlarni kiritish.
Tayyorgarlik: muolaja ancha ruhiy qiyinchiliklar tug’dirishi sababli muolajaning mohiyatini tushuntiring.
Jihozlar: kateterlash uchun zarur bo’lgan jihozlar singari, qo’shimcha Jane shpritsi, 37°C gacha isitilgan antiseptik eritma (0,02 foizli furasilin eritmasi). Bajarilishi:
1. Qovuqni kateterlash yo’li bilan bo’shating.
2. Jane shpritsi yordamida qovuqqa kateter orqali antiseptik eritmani (150—200 ml) kiriting.
3. Kateterdan shpritsni ajratib oling, qovuqqa kiritilgan suyuqlik to’kiladi.
4. Muolajani toza suyuklik chiqquncha bir necha marta takrorlang.
5. Kateterni chiqarib tashlang, qo’lqopni yeching, qo’lingizni yuvib, kateterni sterillang.
Yordamchi bo’lmaganda kateterlash va qovuqni yuvishni mustaqil bajarish mumkin.
Muolaja. Qovuqni mustaqil ravishda kateterlash
1. Butun algoritmni (harakatlarning ketma-ketligini) diqqat bilan o’qib chiqing.
2. Suvni qaynating, tana haroratigacha sovuting.
3. Sterillangan kateter va muolaja uchun zarur bo’lgan barcha jihozlarni tayyorlang.
4. Sovun bilan qo’lingizni va chot sohasini yaxshilab yuving.
5. Son va qorinni ikki tomonidan dazmollangan toza mato bilan yoping.
6. Qo’lingizni aroq yoki spirt bilan tozalang.
7. Sterillangan kateterni oling.
8. Kateter uchini sterillangan vazelin bilan arting.
9. Siydik chiqarish kanalining tashqi teshigini aniqlab, kateterni kiriting (muolaja vaqtida keyinchalik o’tib ketadigan noxush hislar paydo bo’lishi mumkin).
10. Siydikni chiqaring, zarur hollarda qovuqni yuving.
11. Muolaja tugagandan so’ng chot sohasini, kateterni tozalab, qo’lingizni yuving.
Simptom. Buyrak sanchish xuruji
Siydik tosh kasalligi — buyrakda toshlarning paydo bo’lishi. Toshlar paydo bo’lganda siydik chiqishi buziladi. Siydikning turib qolishi siydik yo’llarida infeksiya rivojlanishiga olib kelishi mumkin. Tosh harakatlanganda siydik yo’llarining shilliq qavati shikastlanadi va buyrak sanchiq xuruji paydo bo’ladi.
Buyrak sanchig’i xuruji belning shikastlangan tomonida kuchli og’riq bilan kechadi. Og’riq chot sohasiga, jinsiy a’zolarga, oyoqqa o’tib, siyish qistaydi; ko’p xollarda qusish paydo buladi. Ogriq juda kuchli bulib, bemor uzini kuy i sh ga joy topolmaydi. Ba’zan xuruj siydikda qon paydo bulishi bilan kechishi mumkin.