Davlat byudjetining davlat hokimiyati, boshqaruvi, sud, prokuratura organlarini saqlash xarajatlari

20.4-rasm. Boshqaruv xarajatlari tarkibining guruhlanishi
Boshqarish xarajatlarida O’zbekiston Respublikasi sud hokimiyati va prokuratura organlarini saqlash xarajatlari ancha salmoqqa ega bo’lib, bu xarajatlar Moliya Vazirligi boshqaruv xarajatlarini moliyalashtirish deportamentida byudjet hisobining 209-bo’limida alohida xarajat moddalari bo’yicha xarajatlar ko’rsatilgan bo’lib, shunga asosan moliyalashtiriladi.
O’zbekiston Respublikasi sud hokimiyati va prokuratura, huquqni himoya qilish organlarini saqlash xarajatlari, mazkur sohadagi quyidagi tarmoq tarkibiy tuzilishlari bo’yicha amalga oshiriladi:

• 
  O’zbekiston Respublikasi Oliy Sudi;
  
• 
  O’zbekiston Respublikasi Oliy Xo’jalik Sudi;
  
• 
  Qaroqalpog’iston Respublikasi Oliy Sudi;
  
• 
  viloyat, tuman va shahar sudlari;
  
• 
  davlat notorial idoralari;
  
• 
  respublika prokuratura organlari.
  

Mazkur soha boshqaruvi organlarini xarajatlari to’lig’icha respublika byudjeti tomonidan moliyalashtiriladi. O’zbekiston Respublikasi Oliy Majlisi organlari, Respublika Prezidenti Apparati va O’zbekiston Respublikasi KonstitutsiyaviySudi boshqaruvi organlarini saqlash xarajatlari asosiy qismi respublika byudjeti hisobidan amalga oshiriladi, qisman qismi mahalliy byudjetlar tomonidan moliyalashtiriladi va respublika byudjeti xarajat qismida alohida bobda aks ettirilib boriladi.
Boshqaruv organlarini saqlash xarajatlari uchunchi tarkibiy qismda Respublikamiz boshqaruv organlari asosiy qismi o’z aksini topadi. Bunda Respublika Vazirlar Mahkamasi barcha Vazirliklar, Davlat qo’mitalari, Respublika Saylov uchastkasi, Respublika Vazirlar Mahkamasi avtoxo’jaligi, Respublika Prezidenti Devoni, Oliy Majlis, Vazirlar Mahkamasi ma‘muriy binolaridan foydalanish boshqaruvi xarajatlari, shuningdek, Respublika byudjetdan moliyalashtiriladigan Qo’mita va Markazlar hamda boshqa shu kabi davlat boshqaruvi organlarini saqlash xarajatlari tashkil qiladi, bu xarajatlar Respublika byudjetidan moliyalashtiriladi.
Prokuratura organlarining moliyalashtirilishi va moddiy-texnika ta‘minoti respublika byudjeti mablag’lari hisobidan markazlashtirilgan tartibda amalga oshiriladi.
Davlat notarial idoralari vazifasi jismoniy hamda yuridik shaxslarning huquqlari va qonuniy manfaatlarini notariuslar tomonidan qonunlarda nazarda tutilgan notarial harakatlarni amalga oshirish yo’li bilan himoya qilishni ta‘minlashdan iboratdir. Davlat notarial idoralari O’zbekiston Respublikasi davlat byudjeti hisobidan mablag’ bilan ta‘minlanadi.
Xususiy amaliyot bilan shug’ullanuvchi notariusning notarial harakatlarni amalga oshirganlik hamda huquqiy va texnik tusdagi xizmatlar ko’rsatganlik uchun olgan pul mablag’lari, O’zbekiston Respublikasi qonun hujjatlariga zid bo’lmagan boshqa moliyaviy tushumlari uning faolatini mablag’ bilan ta‘minlash manbai hisoblanadi.
Notarial idoralar qo’shimcha o’zlarining byudjetdan tashqari moliyalashtirish manbalariga ham ega. Notarial harakatlar sodir etilganligi uchun notarial idoralar tomonidan undiriladigan davlat bojining 15 % i miqdoridagi ajratma to’g’ridan - to’g’ri byudjetdan mablag’ bilan ta‘minlash o’rniga davlat notarial idoralari faoliyatini mablag’ bilan ta‘minlash manbai etib belgilangan. Bunda undiriladigan davlat bojlari: 70 % i - mahalliy byudjetlarga; 15 % i - Sudlar va adliya organlarini rivojlantirish jamg’armasini shakllantirishga; 15 % i - mablag’larni Qoraqalpog’iston Respublikasi Adliya Vazirligi viloyatlar va Toshkent shahar adliya boshqarmalarining maxsus hisob raqamlariga to’plash yo’li bilan davlat notarial idoralari faoliyatini mablag’ bilan ta‘minlashga taqsimlanadi.
Sudlar va adliya organlarining moddiy-texnika ta‘minotini yaxshilash, ular faoliyati uchun zarur shart-sharoitlar yaratish maqsadida O’zbekiston Respublikasi Vazirlar Mahkamasining 2003 yil 18 - martdagi Sudlar va adliya organlarini
rivojlantirish jamg’armasini tashkil etish to’g’risidagi qaroriga muvofiq yagona Sudlar va adliya organlarini rivojlantirish jamg’armasi tashkil etildi.
Jamg’arma daromadlari:

• 
  davlat byudjetiga umumiy yurisdiktsiya sudlari tomonidan ko’rib chiqiladigan ishlar bo’yicha jarimalar va davlat bojlari to’lashdan tushayotgan summalarning 20 % i;
  
• 
  davlat byudjetiga xo’jalik sudlari tomonidan ko’rib chiqiladigan ishlar bo’yicha davlat bojlari va jarima sanktsiyalarini to’lashdan tushayotgan summalarning 15 % i;
  

adliya organlari, shu jumladan Fuqarorlik holatini dalolatnomalarni yozish (FHDYo) organlari tomonidan undiriladigan davlat boji summalaridan 20 %, davlat notariuslari tomonidan undiriladigan davlat boji summalaridan 15 % ;

• 
  adliya organlari tomonidan nodavlat notijorat tashkilotlarni, advokatlik byurolarini, firmalarni, hay‘atlarni, xususiy notarial idoralarni ro’yxatdan o’tkazganlik, notarial va advokatlik faoliyatini litsenziyalaganlik, yuridik kadrlarni malaka attestatsiyasidan o’tkazganlik uchun undiriladigan mablag’lar, shuningdek adliya organlari tomonidan o’z vakolatlari doirasida undiriladigan jarimalar;
  
• 
  ijro ishi bo’yicha byudjetga undirilgan summadan 30 % miqdoridagi ajratmalar, soliqlar hamda byudjetga va byudjetdan tashqari jamg’armalarga majburiy to’lovlar bo’yicha muddatida to’lanmagan qarzlar undirilishi bunga kiritilmaydi;
  
• 
  davlat daromadiga o’tkazilgan mol - mulkni sotishdan tushadigan mablag’larning 10 % i va boshqa daromadlar.
  

Jamg’armaning mablag’lari birinchi galda umumiy yurisdiktsiya sudlari binolarini qurish va ta‘mirlash, ularni zarur anjomlar, kompyuterlar va boshqa zamonaviy tashkiliy - texnika vositalari bilan ta‘minlashga yo’naltiriladi. Shuningdek qo’shimcha:

1. 
   xo’jalik sudlarini va adliya organlarini, shu jumladan notariatni, FHDYoni va sud ijrochilarini moddiy-texnik ta‘minlashga;
   
2. 
   sudlar va adliya organlari xodimlariga malaka klasslari, darajalari va muayyan vaqt davomida ishlaganligi uchun ustama va qo’shimcha haq to’lashga, ularning malakasini oshirishga, kadrlarni o’qitishga;
   
3. 
   sudlar va adliya organlari xodimlarini ijtimoiy muhofaza qilishga;
   
4. 
   sudlar va adliya organlari faoliyatini yaxshilashga qaratilgan boshqa tadbirlarga yo’naltiriladi.
   

Ichki ishlar vazirligi va uning quyi organlari, bo’linmalari, muassasalari va tashkilotlari respublika va mahalliy byudjetlar mablag’lari hisobidan moliyalashtiriladi.
O’zbekiston Respublikasi Ichki ishlar vazirligining Davlat yo’l harakati xavfsizligi xizmati organlari tomonidan avtomototransport vositalarini qayta ro’yxatdan o’tkazganlik uchun undiriladigan summaning 85 % i mahalliy byudjetlarga, qolgan 15
% i O’zbekiston Respublikasi Ichki ishlar vazirligining Davlat yo’l harakati xavfsizligi xizmatining hisob raqamiga o’tkaziladi. O’zbekiston Respublikasi Ichki ishlar vazirligining markaziy apparati va ichki ishlar organlarini saqlashga ajratiladigan mablag’lar miqdori O’zbekiston Respublikasi Vazirlar Mahkamasi tomonidan tasdiqlanadi.
Vazirlik markaziy apparatining tarkibi, shtatlari, xodimlarining moddiy - texnik va ijtimoiy - maishiy ta‘minoti, shuningdek ichki ishlar organlarining tarkibi va shtatlari
O’zbekiston Respublikasi Ichki ishlar vaziri tomonidan ularning soni va ularni saqlashga ajratilgan mablag’lar doirasida belgilanadi.
Adliya organlari va muassasalarini moddiy - texnik ta‘minlash, shuningdek adliya tizimining xodimlari mehnatiga haq to’lash Vazirlikka ajratiladigan mablag’ doirasida davlat byudjeti hamda Sudlar va adliya organlarini rivojlantirish jamg’armasi mablag’lari hisobidan amalga oshiriladi.
Sudyalarning ish haqi lavozim maoshidan, malaka darajasi, ko’p yillik xizmati uchun to’lanadigan ustama haqlardan iborat. Sudyalarning hayoti va sog’lig’i davlatning maxsus muhofazasida bo’ladi hamda respublika byudjeti mablag’lari hisobidan davlat tomonidan majburiy tartibda sug’urta qilinadi.
Quyidagi ko’rilgan zararni qoplash bo’yicha to’lovlar respublika byudjeti mablag’lari hisobidan amalga oshirilib, keyinchalik ular aybdor shaxslardan qonunda belgilangan tartibda undirib olinadi:

• 
  sudya o’z xizmat vazifalarini bajarishi munosabati bilan kelgusida kasbga doir faoliyat bilan shug’ullanish imkoniyatini istisno etadigan darajada mayib bo’lib qolsa, yoki uning sog’lig’iga boshqacha shikast etkazilganida sudyaning yigirma besh oylik ish haqi miqdorida;
  
• 
  sudya o’z xizmat vazifalarini bajarishi munosabati bilan kasbga doir faoliyat bilan shug’ullanish imkoniyatini istisno etmaydigan va mehnat qobiliyatining doimiy yo’qolishiga olib kelmaydigan tan jarohatlari yoki uning sog’lig’iga boshqacha shikast etkazilganida sudyaning besh oylik ish haqi miqdorida;
  

sudya o’z xizmat vazifalarini bajarishi munosabati bilan kelgusida kasbga doir faoliyat bilan shug’ullanish imkoniyatini istisno etadigan darajada mayib bo’lib qolganida yoki uning sog’lig’iga boshqacha shikast etkazilganida majburiy davlat sug’urtasi bo’yicha olingan to’lovlarni hisobga olmagan holda unga ish haqi va tayin etilgan pensiya o’rtasidagi farq har oyda to’lab boriladi;
sudya o’z xizmat vazifalarini bajarishi munosabati bilan olgan tan jarohatlari yoki uning sog’lig’iga boshqacha shikast etkazilishi oqibatida halok bo’lsa (vafot etsa), uning qaramog’ida bo’lgan mehnatga qobiliyatsiz oila a‘zolariga sudya ish haqining ularning hissasiga to’g’ri keladigan qismi va boquvchisini yo’qotganligi munosabati bilan ularga tayinlangan pensiya o’rtasidagi farq har oyda, majburiy davlat sug’urtasi bo’yicha olingan to’lovlarni hisobga olmagan holda to’lanadi;
sudyaning o’z xizmat vazifalarini bajarishi munosabati bilan unga tegishli mol - mulkni yo’q qilish yoki shikastlash oqibatida etkazilgan zarar sudyaga yoki uning oila a‘zolariga to’laligicha qoplanadi.
Sudlarni moliyalash, ularning moddiy - texnika va o’zga xil ta‘minoti, binolarini qo’riqlash va saqlab turish respublika byudjetidan ajratiladigan mablag’lar hisobidan amalga oshiriladi. Ajratilgan mablag’lar: Qoraqalpog’iston Respublikasi oliy sudlari, viloyat sudlari, Toshkent shahar sudlari, tumanlararo, tuman (shahar) sudlari uchun O’zbekiston Respublikasi Adliya Vazirligi huzuridagi maxsus vakolatli organ tomonidan, harbiy sudlar uchun O’zbekiston Respublikasi Mudofaa vazirligi tomonidan; O’zbekiston Respublikasi Oliy sudi, Oliy xo’jalik sudi, Qoraqalpog’iston Respublikasi xo’jalik sudi, viloyatlar va Toshkent shahar xo’jalik sudlari uchun
tegishlincha O’zbekiston Respublikasi Oliy sudi, Oliy xo’jalik sudi tomonidan taqsimlanadi.
Xo’jalik sudlari faoliyati O’zbekiston Respublikasi Oliy xo’jalik sudi tomonidan tashkiliy va moddiy-texnika jihatidan ta‘minlanadi.
Konstitutsiyaviy sudning ishi respublika byudjeti mablag’lari hisobiga moliyalashtiriladi.
Konstitutsiyaviy sud sudyasining ish haqi lavozim maoshidan, malaka darajasi, ko’p yillik xizmati uchun to’lanadigan ustama haqlardan iborat bo’ladi.

2.