Davlat xizmatini isloh qilish va boshqaruvda natijadorlikni oshirish chora-tadbirlari to‘g‘risida

Oldingi tahrirga qarang.
g) farmatsevtika tarmog‘ini, shu jumladan, farmatsevtika mahsulotlarini davlat ro‘yxatidan o‘tkazish, standartlashtirish, sertifikatlashtirish, texnik jihatdan tartibga solish, shuningdek, farmatsevtika faoliyatini litsenziyalash yo‘li bilan davlat tomonidan boshqarish sohasida:
(9-band “g” kichik bandining birinchi xatboshisi O‘zbekiston Respublikasi Vazirlar Mahkamasining 2020-yil 7-iyuldagi 429-sonli qarori tahririda — Qonun hujjatlari ma’lumotlari milliy bazasi, 08.07.2020-y., 09/20/429/1039-son)
Oldingi tahrirga qarang.
dori vositalari, tibbiy buyumlar va tibbiy texnikani davlat ro‘yxatidan o‘tkazish, sifatini nazorat qilish, standartlashtirish va sertifikatlash amalga oshirilishini ta’minlaydi. Bunda tibbiyot mahsulotlarini sertifikatlashtirish faqat belgilangan tartibda akkreditatsiya qilingan sertifikatlashtirish organlari tomonidan amalga oshirilishi ta’minlanadi;
(9-band “g” kichik bandining ikkinchi xatboshisi O‘zbekiston Respublikasi Vazirlar Mahkamasining 2022-yil 21-sentabrdagi 519-sonli qarori tahririda — Qonunchilik ma’lumotlari milliy bazasi, 21.09.2022-y., 09/22/519/0840-son)
tibbiyot amaliyotida qo‘llashga ruxsat etilgan Dori vositalari, tibbiy buyumlar va tibbiy texnikaning davlat reyestri yuritilishi va davriy nashr e’lon qilinishini ta’minlaydi;
davlat farmakopeyasi shakllantirilishini ta’minlaydi;
farmakologik va/yoki dori vositalari va tibbiy buyumlarning klinikagacha va klinik tadqiqotlari natijalarining ekspertizadan o‘tkazilishini tashkil qiladi;
dori vositalari va “in vitro” tashxis uchun tibbiy buyumlarga farmakopeya hujjatlarini ekspertizadan o‘tkazish, kelishish va tasdiqlashni, shuningdek, tibbiy buyumlar (“in vitro” tashxis uchun tibbiy buyumlar tashqari) va tibbiy texnikani texnik jihatdan tartibga solish sohasidagi normativ hujjatlarni ekspertizadan o‘tkazish va kelishishni tashkil qiladi;
farmokologik nazorat amalga oshirilishini ta’minlaydi;
dori vositalari va tibbiy buyumlarning zararli ta’siri aniqlanganda, ularni ishlab chiqarish, tayyorlash, import qilish va sotishni belgilangan tartibda to‘xtatib turishni ta’minlaydi;
dori vositalari, tibbiy buyumlar va tibbiy texnikani sertifikatlash organlari, shu jumladan, sinov laboratoriyalari faoliyati muvofiqlashtirilishi va nazorat qilinishini ta’minlaydi;
sertifikatlanadigan dori vositalari va tibbiy buyumlarni ishlab chiqarish sharoitlarini baholashni ta’minlaydi;
tibbiy buyumlar va tibbiy texnikaning texnik jihatdan tartibga solish bo‘yicha normativ hujjatlar fondini takomillashtirish chora-tadbirlarini amalga oshiradi;
huquqni muhofaza qilish organlarining murojaatlari bo‘yicha dori vositalari, tibbiy buyumlar va tibbiy texnikani ekspertizadan o‘tkazishni ta’minlaydi;
farmatsevtika tarmog‘i mutaxassislarini malaka oshirish kurslarida, shu jumladan, xorijiy mamlakatlarda yoki xorijiy mutaxassislarni jalb qilgan holda o‘qitishni tashkil qiladi;
Oldingi tahrirga qarang.
farmatsevtika faoliyatini litsenziyalashni hamda litsenziya talab va shartlariga rioya etilishi belgilangan tartibda nazorat qiladi;
(9-band “g” kichik bandining o‘n to‘rtinchi xatboshisi O‘zbekiston Respublikasi Vazirlar Mahkamasining 2020-yil 7-iyuldagi 429-sonli qarori tahririda — Qonun hujjatlari ma’lumotlari milliy bazasi, 08.07.2020-y., 09/20/429/1039-son)
d) farmatsevtika tarmog‘iga ilg‘or xorijiy amaliyot va xalqaro standartlarni tatbiq etish bo‘yicha ishlarni muvofiqlashtirish sohasida:
dori vositalarini ishlab chiqarish, muomalasini tartibga solish, sifatini nazorat qilish hamda “ISO” sifatni boshqarish tizimlarini va Zarur tarzdagi amaliyotni (GxP) joriy qilish sohasida xalqaro hamkorlikni muvofiqlashtiradi;
farmatsevtika tarmog‘i korxonalariga xalqaro standartlarni joriy qilishda ko‘maklashadi;
Zarur tarzda ishlab chiqarish amaliyoti qoidalari (GMP), Zarur tarzda distributsiya amaliyoti qoidalari (GDP), Zarur tarzda saqlash amaliyoti qoidalari (GSP), Zarur tarzda klinika amaliyoti qoidalari (GCP), Zarur tarzda laboratoriya amaliyoti qoidalari (GLP), Zarur tarzda dorixona amaliyoti qoidalari (GPP) talablariga muvofiqlik bo‘yicha audit o‘tkazilishini va tegishli xulosa va/yoki sertifikatlar berilishini tashkil qiladi.
e) import qilinayotgan va respublika hududida ishlab chiqarilayotgan farmatsevtika mahsulotlari to‘g‘risida to‘liq axborot yig‘ishni ta’minlovchi Farmatsevtika mahsulotlari harakatini nazorat qilish va hisobga olish axborot tizimini joriy qilishda ishtirok etish sohasida:
Tibbiyot amaliyotida qo‘llanilishiga ruxsat etilgan dori vositalari, tibbiy buyumlar va tibbiy texnika davlat reyestrini hamda sertifikatlashtirilgan dori vositalari, tibbiy buyumlar va tibbiy texnika to‘g‘risidagi ma’lumotlarni “https://uzpharm-control.uz” veb sahifasida yoritib boradi;
ro‘yxatdan o‘tkazish va sertifikatsiyalash sohasida biznes jarayonini avtomatlashtiradi;
shakllangan ma’lumotlar elektron bazalarining boshqa davlat organlari tizimlari bilan axborot almashuvini yo‘lga qo‘yadi;
Agentlik qonun hujjatlariga muvofiq boshqa funksiyalarni ham amalga oshirishi mumkin.
(9-band O‘zbekiston Respublikasi Vazirlar Mahkamasining 2019-yil 17-avgustdagi 678-sonli qarori tahririda — Qonun hujjatlari ma’lumotlari milliy bazasi, 17.08.2019-y., 09/19/678/3577-son)