Дифференцирования квази-филиформных алгебр

МИРЗАЧЎЛНИНГ БУГУНИ ВА ЭРТАСИ 
К.Э.Хидиралиев, А.У.Юлдашов, З.Н.Мадрахимова 
Гулистон давлат университети 
E-mail: k
о[e-mail] 
 
Бугунги кунда мамлакатимизда олиб борилаѐтган минтақавий сиѐсатнинг асосий 
мақсади ички ҳудудлараро ижтимоий-иқтисодий ривожланишнинг даражасини мумкин қадар 
яқинлаштириб боришдир. Аммо кўзланган мақсадга иқтисодий ривожлантириш, ишлаб 
чиқариш кучларини тўғри жойлаштириш асосида эришилади. Бунинг асосида географик ўрин, 
табиий шароит ва ресурслар, ижтимоий-иқтисодий асос, бозор иқтисодиѐти, экологик ва илмий-
техник омилларни албатта ҳисобга олиш лозим.
Юқоридаги фикрлар асосида биз Ўзбекистоннинг ички ҳудудий бирликларидан 
ҳисобланган. Мирзачўлнинг бугуни ва эртанги кунига эътибор берадиган бўлсак, у ўзига хос 
ривожланиш йўналишига эга. Жумладан, Мирзачўл табиий-географик ва иқтисодий-географик 
объект сифатида ўзига мос ўринга эга. Мирзачўл табиий-географик ҳудудига одатда 
Ўзбекистоннинг Сирдарѐ ва Жиззах вилоятлари, Қозоғистоннинг Жанубий Қозоғистон вилояти 
ва Тожикистоннинг Зафаробод тумани ҳудудлари киради (Бабушкин, Когай, 1964). 
Республикамиз ҳудуди доирасида эса Мирзачўл табиий-географик районлаштириш жиҳатидан 
алоҳида округни ташкил этади (Ўзбекистон Миллий Энциклопедияси, 2006). Иқтисодий 
географик жиҳатдан эса Мирзачўл иқтисодий районига ажратилади (Солиев, 2013). 
Мирзачўл табиий-географик округи жануб томондан, Нурота, Молгузар ва Туркистон 
тизмалари билан, шарқ томонидан Сирдарѐ дарѐси билан чегараланади, ғарбий томондан эса 
округ аста-секин Қизилқумга туташиб кетади. Қизилқум билан Мирзачўл орасидаги табиий 
чегара Арнасой ботиғидан ўтади.
Тадқиқот объекти ва қўлланиладиган усуллар 
Мирзачўл округи ҳудуди Сирдарѐнинг ўрта қисмидаги қайир ва кўҳна қайирларни ўз 
ичига олади. У Туркистон тизма тоғларининг тоғ олди этакларидан бошланиб, денгиз сатҳидан 

---