SO’ZLIK DIKTANTI
Ayıw, eshki, balıq, ma’yek, quyash, piyaz.
AYTIW DIKTANTI
Kitapxana
Klassımızda kitapxana sho’lkemlestirdik. Kitapxana ushın kitap alıp keldik.
Tsirkte
Tsirkke bardıq. U’lken tamasha boldı. Ayıw, pil oynadı. Atlar tosınnan sekirdi.
So’ylew a’debi
So’ylegende asıqpay so’ylen’. Ha’r bir so’zdi durıs aytın’. Dawısın’ız jag’ımlı bolsın.
TEKSERIW DIKTANTI
Bag’shılıq
Bag’lar ta’biyattı bezeydi. Olarda tu’rli miyweler jetistiriledi. Qaraqalpaqstanda bag’lar ko’p. (10 so’z)
SO’Z HA’M GA’P
ERKIN DIKTANT
Suw – baylıq
Da’ryalar tawlardan ag’ıp tu’setug’ın mayda salmalardan baslanadı. Suwdı ısırap qılman’!
DO’RETIWSHILIK DIKTANT
Ga’plerdin’ mazmunına sa’ykes so’zler qosıp jazın’.
1. Biz jaz … jaqsı ko’remiz.
2. A’depli … jaqsı oqıydı.
3. Atam menen … bardım.
4. Kempir apam qızıq … aytıp berdi.
5. Keshe quyash …
6. Mektebimiz bag’ı …
7. Sabaqlarg’a puxta … ko’rdim.
Qoyıw ushın so’zler: ma’wsimin, balalar, atızg’a, ertek, qızdırdı, u’lken, tayarlıq.
Sorawlarg’a juwap qaytarın’ ha’m juwapların’ızdı jazın’:
1. Qaysı ko’shede turasız?
2. Qaysı qalalardı bilesiz?
3. Qanday kitapların’ız bar?
4. Qaysı erteklerdi oqıg’ansız?
5. Dosların’ız benen qay jerge bardın’ız?
YADTAN JAZIW DIKTANTI
Terek
Ba’rha boy sozıp ko’kke,
O’ser durıs ha’m tikke,
Terekjan sonın’ ushın,
Imaratqa bolar u’stin.
TEKSERIW DIKTANTI
Palızda
Nigara birinshi klasstı tamamladı. Atası onı awılg’a alıp ketti.
Dosları menen qawın atızına bardı. Nigara torlı qawındı u’zdi. Onı zorg’a ko’terip keldi. (22 so’z)
Ushırasıw
Mektebimizge shayırlardı mira’t ettik. Olar menen ushırasıw o’tkerdik. Ushırasıwda ha’mme oqıwshılar qatnastı. Shayırlar taza qosıqlarınan oqıp berdi. Biz olarg’a raxmet ayttıq. (21 so’z)
Baylıg’ımız
Watanımız sheksiz. Atızlarg’a paxta, biyday ha’m basqa eginler egiledi. Jer astı baylıqlarımız da ko’p. Qımbat bahalı qazılmalar qazıp alınadı. Bular bizin’ baylıg’ımız. (22 so’z)
Do'stlaringiz bilan baham: |
